[生活中的經濟學] 難度 5**,機會成本(Opportunity Cost) 一問,90% 美國大學生都做錯的一條問題

女士既衫鈕門開右邊的原因 來源:ELLE
好耐之前睇過一本英文書 (忘記了書名,如有好心人提供請告之),係講日常生活現象的經濟解釋,例如雪柜點解冰隔(freezer)冇燈?(因為買既人唔肯為唔常要開既燈比額外錢) 點解女士既衫鈕門開右邊?(因為方便以前15-16世紀時傭人幫穿) 咁點解依家唔轉番?(因為若轉的話有可能被人誤以為是男裝) 仲有好多有趣的問題。

該書開首有一條關於機會成本的問題,據作者講不少美國大學選修基礎經濟的Year1學生,抽樣答有9成左右做錯 (書中話比冇讀經濟同學答,啱的比率反而高一點)。給講師答亦有一半錯。(這些比例是我記憶中的,但應該相差不遠)

在此把問題分享給大家挑戰一下 (適合 DSE 學生測試一下):

劉德華 v 容祖兒 演唱會 來源:飞流图片 
你手上有一張免費的容祖兒演唱會門票,若要自己買的話,你最多願意付$200。
而同一日,又有劉德華的演唱會演出(只演一日),門票賣$500,而你最高願意為其付出的價錢是$600。
假設:你除左去睇這兩場演唱會之外,沒有其他事幹。
你去睇容祖兒的機會成本是多少?

0 / 100 / 200 / 500 / 600 ?




答案在下方












有沒有先試試喔?












答案是$100。因為機會成本是放棄得到另一物品的價值

先理解何謂機會成本?好多人只知其然 -價值最高的一個放棄選項 (highest-valued option forgone),而不知其所以然。

-----
相關文章:中銀百週年紀念「炒」,論機會成本
-----

究竟機會成本學黎做乜?

選蘋果 放棄橙 來源:Baby Baby
機會成本,其實係用黎量度你做一件事情(機會)所作犠牲有幾大假設你選蘋果,放棄左橙 (沒有其他可選)。好多人都係就咁話機會成本係橙,但放棄左橙犠牲幾大呀?所以準確啲講,應該為放棄左獲得「橙既價值」

講番條問題,選容祖兒,你放棄了劉德華,機會成本應是$600 喔?劉德華對你的價值不是$600嗎?那裡不對?

機會成本應為放棄事情的「淨價值」

舉個例,假設舞台燈光等各種演出條件皆一樣,容祖兒演唱會係「紅館」開,或係「南丫島體育館」(或者係「澳門 威尼斯人」) 開,你放棄觀賞所作的犠牲亦肯定不同,相信係南丫島應該較多人會願意放棄。即是說,計算犠牲的價值應為該事情的淨價值(總價值-成本)。

再用番蘋果橙做例子,你選蘋果,放棄了橙給你的價值,假設你都鍾意食橙,但你身邊冇刀,手指甲短又難剝皮,剝到都手指痛 (又冇勇氣連皮咬)。咁橙對你價值就低左,放棄時犠牲亦較細。(吃橙的總價值-開橙的成本)

所以,看容祖兒演唱會,放棄的是看劉德華演唱的淨價值,因此答案是總價值($600),減成本(票價$500),等於$100。

經濟學上,成本=機會成本

補充少少,機會成本是用來助我們做決定的,若一事情的價值高於其機會成本(正淨價值),那麼我們做了便有得益,有得益的當然會去做。

再補充少少,經濟學是學什麼的?就是分析資源是怎樣運用的,即是做決定。所以,經濟學上每每見到成本,都必然是指機會成本。

-----
相關文章:
如何制訂考試溫書時間表及一些讀書心得(上)
分手說經濟 ─ 好心分手
[生活中的經濟學] 檸檬茶的經濟學

若覺得這篇文章能幫到你,可在下方按 "讚" ,或按 "分享" 讓它幫到更多人!亦可在下方留個 "Thank You" 呀!若想收到最新文章,可訂閱博客更新

關於作者,及相關文章

Ronald Chik (植Sir)

港大統計碩士及經濟學士。春風化雨接近二十年,學位、副學士、文憑、毅進、中學、日校夜校皆曾任教。現職HKMA統計及經濟兼任講師,及替少量學生補習,閒時最愛打羽毛,生活寫意悠遊。
 下一頁
« 前一頁
上一頁 
下一頁 »

若想 *收到回覆* 通知,請以 Google帳號登入,並在「通知我」空格打勾。

另外,有時 Google會判斷留言需要審核,而不能即時顯示,請耐心等候,不需要重覆發表。謝謝! ConversionConversion EmoticonEmoticon