精選文章

[幼數K2K3] 分享幾個數學遊戲: 新包剪揼 啤牌數字火車 點筷子 (訓練排大小, 簡單加減數, 估計對手)

數學同語文一樣, 由細多接觸好重要, 我同呀仔經常會係生活中計數, 好似分提子呀, 排隊呀, 睇鐘呀咁。啱啱我仔幼稚園搵家長帶活動, 我就整理左啲數學遊戲, 在此分享給大家。

遊戲0-熱身 (5褔臨門) [全體, 無需道具] i) 大人叫 “2" (或舉 2 手指, 或指去數字 ”2” 或含數字意思圖案 (譬如時鐘既數字),
ii) 同學在坐位舉起 3 隻手指 (唔出聲), 使其加總為 5 ;
iii) 玩多幾個數, 最後叫 5, 睇下幾多人舉拳頭, 問其原因.

示範「拼 5」的分割 (1,4; 2,3, etc) [道具:雞蛋盒] 大人用 5 乒乓球, 試下拼 5 的不同分割 (1,4; 2,3, 5,0, etc)
(道具: 一橫可排 5個的展示長膠盒, 例如雞蛋盒)

遊戲1- 點筷子(Chop-sticks) [無需道具, 2-4人] 訓練基礎加數 呢個遊戲係小學界極多人玩, 幼稚園都可以玩, 不過最好先玩熟基礎版本先

[基礎版本]  i) 每人兩手各伸出 1隻食指 (狀似筷子), 輪流以手指掂另一人的手[或自己的手 (變化1)],


ii)「被點手」要多伸出「點人手」的手指數 (如上圖);
iii) 例如: 以 2 指 點向 1 指, 則被點方要開多 2隻手指 (即共開 3隻手指);
iv) 當一手伸出等於或多於 5 隻手指, 則該手爆炸, 需收在背後 [變化2 可以重分];
v) 誰留至最後尚有手者勝.

玩至熟練時,可加入以下規則,使遊戲更豐富:
[變化1] 「分手」    在你回合時, 你可自己的兩手互掂,將兩手的手指數重分配 (如 1,3 >>> 2,2)
   [注: 每手最少要有剩 1 隻手指]

[變化2] 「復活」 (先決條件:「分手」)    已爆的手都可做 分手, 使其復活

[變化3] 「正爆」    手指數剛好 5 才會爆;
   若多於 5, 則淨番多出的手指數 
例: 以 2指 點向 4指, 加總為 6, 則被點方要開番 1隻手指 (6 - 5 = 1); 

玩時可自訂要加邊種變化

遊戲2-「包剪揼揼揼」 (Low-Sham-Bow) [無需道具, 3-10人] 訓練去預測其他人的行為 我同佢地玩時, 我話呢個係勁過包剪揼既遊戲 🤣🤣🤣
[基礎版本]  i) 每人出一隻手, 伸出 1 至 5 隻手指 (1,2,3,4,…

[經濟題] 難度 5**,機會成本(Opportunity Cost) 一問,90% 美國大學生都做錯的一條問題

女士既衫鈕門開右邊的原因
女士既衫鈕門開右邊的原因

好耐之前睇過一本英文書 (The Economic Naturalist - Why Economics Explains Almost Everything),講日常生活現象的經濟解釋,例如雪柜點解冰隔 (freezer) 冇燈?(因為買既人唔肯為唔常要開既燈比額外錢) 點解女士既衫鈕門開右邊?(因為方便以前 15-16 世紀時傭人幫穿) 咁點解依家唔轉番?(因為若轉的話有可能被人誤以為是男裝) 仲有好多有趣的問題。

該書開首有一條關於機會成本的問題,據作者講不少美國大學選修基礎經濟的 Year 1 學生,抽樣答有 9 成左右做錯 (書中話比冇讀經濟同學答,啱的比率反而高一點)。給講師答亦有一半錯。(這些比例是我記憶中的,但應該相差不遠)

在此把問題分享給大家挑戰一下 (適合 DSE 學生測試一下):

劉德華 v 容祖兒 演唱會
劉德華 v 容祖兒 演唱會
你手上有一張免費的容祖兒演唱會門票,若要自己買的話,你最多願意付$200。
而同一日,又有劉德華的演唱會演出(只演一日),門票賣$500,而你最高願意為其付出的價錢是$600。
假設:你除左去睇這兩場演唱會之外,沒有其他事幹。
你去睇容祖兒的機會成本是多少?

0 / 100 / 200 / 500 / 600 ?




答案在下方












有沒有先試試喔?












答案是$100。因為機會成本是放棄得到另一物品的價值

先理解何謂機會成本?好多人只知其然 -價值最高的一個放棄選項 (highest-valued option forgone),而不知其所以然。

-----
相關文章:中銀百週年紀念「炒」,論機會成本
-----

究竟機會成本學黎做乜?

選蘋果 放棄橙
選蘋果 放棄橙

機會成本,其實係用黎量度你做一件事情(機會)所作犠牲有幾大假設你選蘋果,放棄左橙 (沒有其他可選)。好多人都係就咁話機會成本係橙,但放棄左橙犠牲幾大呀?所以準確啲講,應該為放棄左獲得「橙既價值」

講番條問題,選容祖兒,你放棄了劉德華,機會成本應是$600 喔?劉德華對你的價值不是$600嗎?那裡不對?

機會成本應為放棄事情的「淨價值」

舉個例,假設舞台燈光等各種演出條件皆一樣,容祖兒演唱會係「紅館」開,或係「南丫島體育館」(或者係「澳門 威尼斯人」) 開,你放棄觀賞所作的犠牲亦肯定不同,相信係南丫島應該較多人會願意放棄。即是說,計算犠牲的價值應為該事情的淨價值(總價值-成本)。

再用番蘋果橙做例子,你選蘋果,放棄了橙給你的價值,假設你都鍾意食橙,但你身邊冇刀,手指甲短又難剝皮,剝到都手指痛 (又冇勇氣連皮咬)。咁橙對你價值就低左,放棄時犠牲亦較細。(吃橙的總價值-開橙的成本)

所以,看容祖兒演唱會,放棄的是看劉德華演唱的淨價值,因此答案是總價值($600),減成本(票價$500),等於$100。

經濟學上,成本=機會成本

補充少少,機會成本是用來助我們做決定的,若一事情的價值高於其機會成本(正淨價值),那麼我們做了便有得益,有得益的當然會去做。

再補充少少,經濟學是學什麼的?就是分析資源是怎樣運用的,即是做決定。所以,經濟學上每每見到成本,都必然是指機會成本。

-----
相關文章:
如何制訂考試溫書時間表及一些讀書心得(上)
分手說經濟 ─ 好心分手
[生活中的經濟學] 檸檬茶的經濟學

若覺得這篇文章好,"分享" 給朋友吧!或留個 "Thank You" 呀!
想問經濟、數學?可 按此 到我的面書發問。
想第一時間收到最新文章,可訂閱博客更新 / RSS 

留言

張貼留言

若想 *收到回覆* 通知,請以 Google 帳號登入,並勾選「通知我」(你依然可選擇 *匿名(唔開名)*) 。

另,Google 偶會審核留言而不能即時顯示,請耐心等候,不用重覆發表。謝謝!

關於作者

Ronald Chik (作者詳情及聯絡, 補習查詢)
教學廿多年,曾在傳統名校伊利沙伯中學、德愛中學任教,學位、副學士、文憑、毅進、中學、日校夜校皆曾任教。現主力湊仔,閒時替人補習,寫網誌,打羽毛球,生活悠遊。

Youtube 頻道