溫書考試心得分享 - 如何讀好經濟科



香港現在的考試制度變成一戰定生死,DSE試平均要一舉取得5以上成績,入U才有保証。但莘莘學子好多都未識得點去讀書。

要知道勤力,都要加上用啱方法先會成功 (勤力+方法=成功)。要學生自己研究到條路,視乎學生幾時開竅。我好彩開竅得比較早,約中二時已知要點讀書,僥倖會考高考攞到滿意的成績,能入讀到香港大學經濟系。(我的完整資歷)

最近我開左一些溫書心得講座,係到等我分享一下其中一講,經濟科及一般既讀書技巧啦:
  • 首先,要令自己有個方向,定好目標要入大學。
  • 定時間表溫書,比自己適當壓力,唔好讀下停下。
  • 時間表 (升中六的 > 排好至開考前每一日; 升中五的 > 只排暑假(溫番中四))

1. 一般溫書技巧

  • 每周複習:記憶若不加強,上堂時學過的會好快忘記。所以一定要每周(或每兩周)抽時間,(係咁倚)睇番教過啲野,或做下練習,咁記憶會深刻好多,測驗考試時就唔洗咁辛苦。
  • 逐少背

Windows 7/Vista/XP 電腦愈來愈慢,唔想咁樣,可以點樣?(一個Advanced Systemcare軟件解決)

(本文章所需電腦知識程度:低) 我平時的嗜好不多,玩電腦/數碼產品是其中一個。我都唔知點解,可能因為可以滿足到控制欲,同人養狗(或者拍拖?)原因可能一樣。

我現時擁有的數碼產品着實不少:
  • 1部Windows 7 Desktop PC,
  • 4部 Windows XP - Windows 7 notebook,其中一部行埋 Linux
  • 1部Android電話,1部Android平板,
  • 1部Windows 8平板
***** *****
呢啲數碼產品有問題時,可能的話我會Google去搵答案 (識得用,梗係用Google,唔識用?睇呢篇啦),加上我平時都鍾意睇下電腦雜誌,所以累積落黎就學左唔少「庶民」數碼知識,而亦都應用過黎幫過唔少朋友。本篇我會分享一下一個常見問題 - - - **部電腦愈來愈慢**

我上網Search一下「電腦愈來愈慢」,發覺Google最頭的結果都講得頗複雜,高於庶民水平,於是決定寫這篇博文希望能夠幫到更多人。

Windows電腦愈來愈慢 - 主要原因有四個:
  1. 硬碟、檔案系統(file system)問題  (有冇試過強行關機?)
  2. 中左毒 (有冇拮過可疑USB手指、開過不知明電郵?)
  3. 裝左太多會在開機時執行(startup)的程式 (裝左垃圾軟件?)
  4. 新裝置硬件的驅動程式與系統發生衝突 (有冇裝過新硬件?)
***** *****
我既庶民解決方法其實好簡單,可能只要裝一個、最多兩個免費程式,好大機會就可以解決到問題。
 

每當變慢時
要裝的第一個程式,名叫 Advanced SystemCare (連結至其官方網站),安裝及使用詳情如下:(已經解決到大部分問題)

步驟總覽(所有版本Windows適用):
A. 基本修復
B. 查開機載入程式
C. Driver Booster
D. 系統還原
E. 還原Windows至初始設定(RefreshPC)
***** *****
A. 基本修復
1) *安裝時要好小心*睇真每按一下「Next」或者「Accept」係針對乜野,因為佢有可能會唔覺唔覺咁,想「陰」你去安裝一兩個垃圾軟件 (唔係點賺錢呀?)。 (之前有冇比人陰過呀?)

一些下載網站亦會陰你裝啲垃圾軟件(其他免費軟件都可能會咁)
Advanced Systemcare 會陰你裝啲垃圾軟件(其他免費軟件都可能會咁)
2) 裝好後,開啟軟件,全選 > 按「Scan」 > 按 Automatic repair (自動修復)
檢查全部問題,按Scan
選 自動修復
3) 運行需時一段時間,視乎情況,可能要1-2小時,亦可能要重新開機
有紅色類似開關制的任務,要待重啟時執行
4) 完成後應該可以解決到 1)檔案同部分, 及 2)部分中毒的問題。
(有空再寫如何用庶民方法解決深度中毒問題) 
***** *****
B. 查開機載入程式
若你由開機到所有程式完全載入,要4-5分鐘或以上,咁你可能係載入左好多不需要的程式。用 Advanced Systemcare 可以選擇開機要載入的程式,但呢個過程可能會有少少風險(唔覺意關左啲重要程式),所以最好先建立一個還原點,方法如下:
1) 開始 > 電腦 > 特性 

2) 進階系統設定 > 系統保護 > 選 C: (系統) > 建立 > 輸入名稱 > 建立 (可能要重新開機)
 

3) 開啟 Advanced Systemcare > Toolbox > Startup Manager

4) 軟件會列出一堆開機啟動軟件,及其 Boot Time 所需時間,耐心細看每一個,再決定可以 Enable(開機啟動) / Disable(禁止開機啟動) / Delay(延遲啟動)。

選擇貼士:不知是什麼程序的,可做3件事:
  1. 看其檔案位置(底部右下方),可能可以看出它屬於什麼軟件;
  2. 還未清楚可以其檔案名稱作 Google Search; 
  3. *不清楚的建議不要禁止* (可用電話影低傳圖給懂電腦朋友,或給我,或在本文章下方留言)
做完以上步驟 A, B 重新啟動,基本上大部分問題都應該已經解決到,電腦會快一大截。
***** ***** 

C. Driver Booster 教學

若電腦依然好慢,可能係電腦驅動程式(driver)有衝突或太舊。這時可用 Advanced Systemcare Toolbox 既 Driver Booster,步驟如下: 1) Advanced Systemcare > Toolbox > Driver Booster (可能需要下載,記住睇清按咩制)

  

2) 開啟軟件後會即時自動檢查驅動程式
 

3) 按右上方紅圈﹝程定﹞,選擇於更新驅動前先建立還原點,安全至上。
 
 4) 按下 Update All 然後軟件會自動進行所有過程。 5) 完成後,重新啟動電腦完成驅動更新。
***** *****
D. 系統還原
若果電腦依然有問題,這時唯有出庶民兩絶招之一 - 系統還原

步驟如下(之前步驟B講過如何開啟系統還原):

用這最後絶招的時機是,當之前三招不成功,而出現問題時間是近期(數週內)的事。

(注意:這招殺敵1000,自損300,因為還原的意思是,你所選取硬碟(一般為C:),所有在這段期間,改動的檔案都會刪去,所以用這招前務必要備份你想保留的檔案 - 如相片、文件等) 

1) 開始 > 電腦 > 特性 > 進階系統設定 > 系統保護 > 系統還原 (或可按開始 > 輸入 system restore)

2) 顯示更多還原點 女 選一個合適的還原點 > 下一步 > 最後按「完成」開始還原程序。
 



3) 電腦重啟後開始還原。

***** *****
E. 還原Windows至初始設定(RefreshPC)
若系統還原後,問題依舊,就要行最後一步,安裝軟件 RefreshPC (官方連結按此)。它的作用是把 Windows Registry(登錄檔) 及 Services (支援所有版本) 回復到新安裝的狀態。放心,它不會影響用戶安裝的第三方程式

1) 程式會先問你是否要建立還原點?按「是」確保可番得轉頭。

 2) 完成後會彈出通知。
 

 3) 程式會顯示你的Windows版本,及是否64bit,按Refresh返回原廠程定。

4) 電腦重啟後會回復出廠程定
***** *****
按小弟處理過的情況,以上5個步驟基本上可以解決到大部分的問題。當然,以上5招只是針對基本問題,若各位有其他問題歡迎留言討論。

相關文章:
iPod 沖唔到電? (原來我們一直都錯了!"鋰"電池照顧大法!!)
最熱門密碼 : "123456" "123abc"!點記密碼才好?
【數碼智慧】怎樣用電腦(及雲端)自動化的替你工作? [IFTTT 教學]

很希望能獲得你寶貴的意見。
如有意見、問題,請在下方留言。

「香港中產為何必死?」用下稅務計算機先啦 (作者統計數理能力已死?)

為何中產必須死

前幾天路過 Yahoo 專欄,有篇文章「香港中產為何必死?」(定題目好搶眼) 睇完好開心,好多反面教材,好完美既示範。相信作者的邏輯應該係不太通的 (咁都上專欄?)。

內容其中部分:

中大香港亞太研究所訪問市民,從居所、學歷、職業、月薪、資產、興趣、專長、背景、自我介紹等各方面,去定義中產,發現香港人認為應從物質分類,須有至少擁100萬元資產、逾400萬元自置物業,及月入5萬元以上,才算是中產。
根據香港統計年刊 (2013年版),月入在5萬元以上,10萬元以下的人口,約有225,500人,月入在10萬以上,約有51,500人,全香港並有700萬人,單是收 入一項,只有4%人口符合中產標準*...
*大佬呀,識唔識攞分母呀?分母最基本要係同類丫,依家講緊收入,你將80歲老人、3歲細路、橋底露宿的人一齊計?
[正確應只計所有有收入人士=勞動人口=約39萬
...由於高於10萬收入的「有錢人」,有機會月入100萬,甚至1,000萬,在數據上並沒有顯示,減去這批人,實質符合 中產定義,應只有3.2%人口。

自己認為,以月入3萬,作為中產分野,會是較合適做法,月入3萬以上的 港人,大約有587,000人,大約是8.4%的人口 (RC: 同上錯誤),雖然仍不算多,但早前「21世紀,月薪三萬元的港人」引起廣大迴響 (RC:咁你仲唔改善下你既寫作?),加上最高收入的8%人口,還不算「中產」,也無話可說,所以將就用這數字作分水嶺,假設一名30歲單身人仕面對的境況。

繳稅 - 年薪36萬,如果沒有其他免稅額,大約需要繳交 $26,760薪俸稅,扣除$10,000寬免額,即是實交$16,760,大約是收入的5%,年薪越高,稅率是會向上提升。
(RC註:政府是有稅務計算機的(2014/15)
RC 我想問果條計薪俸稅條數點會咁假設呢?冇其他免稅額?傻的嗎? 正常供樓、子女、或父母點都中一樣(或以上),仲有MPF呢? 妙就妙在佢之後又計話要買樓、要比錢父母。。。@.@ 作者呀,上網Search 下「正苦」既稅務計數機先啦,對得住稿費冇? (我用最基本計:一子女,一父母55-60歲,MPF17500,供樓利息20000,稅負只需$7500大元)

很希望能獲得你寶貴的意見。 如有意見、問題,請在下方留言。

[趣味統計] 男性被閃電擊中的機率是女性的六倍

男性被閃電擊中的機率是女性的六倍

【男性被閃電擊中的機率是女性的六倍】
美國一項研究稱,男性比女性更容易遭打雷電襲擊。從1995到2008年間,美國共有648人因遭雷劈而斃命,其中82%都是男性。據調查是因為雷雨發生時,男性往往要冒雨到戶外做一些危險性的事情,而女性則多呆在家裡避雨。 
. 
你們覺得還有其他原因嗎? 
. 
神回复:因為男人喜歡發誓。

很希望能獲得你寶貴的意見。
如有意見、問題,請在下方留言(可留圖片)。

一條培正數學邀請賽問題(中一)

培正數學邀請賽問題(中一 Q4) [圖像或不跟比例]
培正數學邀請賽問題(中一 Q4) [圖像或不跟比例]

中一Level 1問題,來試一試?測試下你的平面幾何能力。可在留言留下簡單做法,或注意重點。
視乎情況,我不日內會公佈答案。


答案:360/7。
看詳細答案及討論的可到我的面書


很希望能獲得你寶貴的意見。
如有意見、問題,請在下方留言。

關於作者

Ronald Chik (作者詳情及聯絡, 補習查詢)
教學廿多年,曾在傳統名校伊利沙伯中學、德愛中學任教,學位、副學士、文憑、毅進、中學、日校夜校皆曾任教。現主力湊仔,閒時替人補習,寫網誌,打羽毛球,生活悠遊。

Youtube 頻道