中四如何選科?小六點選中學?

如何選科 如何選中學


中學選科,係呢個年頭特別重要。 想當年,小弟年少無知,中三時選科選左商科。結果,就咁就一世。。。點解選商科?因為我中三生物科啲英文名詞好似同我有仇咁,完全唔想同我做朋友!我係中學年代罕有地唔合格,就係中三生物,另外仲有一次就係中一時的中史科。我個人覺得,呢啲要係咁記野既科,跟本唔應該出現係呢個世界之上!(我想記野叻,我去學記憶法啦!!!)。所以我文又唔得,理又唔得,唯有選商,就係咁簡單直接,完全唔洗用50:50(冇得用)同問現場觀眾!!!

選科選校要有策略

講真當年真係唔識問人,完全靠估。講真一個中三學生又點會知你所選的科,會影響你既一生?真係架!當年我選商科,之後去到中六要選大學科目,我又靠估多次,我都唔知有咩人可以咨詢。結果?我六大院校我都淨係選左經濟同會計,諗番都好笑。結果開彩-港大經濟---!!!因為呢個志願排係第一,所以跟左張五常。 我唯一一次有咨詢之下做既決定唔係選科,但係都差唔多啦:係小六升中一既選校!有人咨詢之下真係唔同,真係可以好有策略!小六選中學點揀校?如果比一般家長,可能有機會會選:1-華仁,2-皇仁,3-英華。。。總之順住選,由最好開始一路排落去。好合理丫?錯!咁樣的話就中招啦!因為如果你第一間入唔到,因為其他人放左皇仁英華果啲係第一,而你只係放係第二或之後,你既評分會好低,如此這般,你會一直跌到好後好後。 所以,我就第一志願放華仁,第二放九龍工業。呢個就係有人咨詢下的策略:就係係第二放一啲都算好,位亦較多,但就唔算係最Top的。係呀,當年九龍工業算幾好㗎,你睇黃耀明?(不過男校總有男校既問題既) 不過依家「九工」變哂,第一,轉左男女校,唔洗家長再担心黃耀明既問題(我個人就覺得呢個唔係太大問題,我崇尚自由主義)但係第二點就係問題啦,佢依家點計都同Top拉唔上關係。。。 多謝當年教懂我選校的林香老師!

中四選科免費講座

依家中學生選科由其重要,因為大學收生某啲科會有要求,你大學時想讀邊科邊科,中學時必先要讀過邊科邊科。想目標清晰?一定要先定好方向!

 「經數學堂」 在暑期安排左一個中四選科免費講座,由資深某大學行政主任主講,她曾在多間中學及機構主辦這類講座。詳情如下:

☆★中四選科對 Jupas (大學聯招) 選科的影響☆★

由資深大學行政主任主講,主要適合升中四同學。
升中三的同學亦預先來準備定。
講座時間:8月24日下午4:30-6:00
費用:免費

報名按此:(之後都會定期舉行,儲夠一定人數報名便再開)
https://sites.google.com/site/econmathlesson/freecourse/freetalk

關於作者

Ronald Chik (作者詳情及聯絡, 補習查詢)
教學廿多年,曾在傳統名校伊利沙伯中學、德愛中學任教,學位、副學士、文憑、毅進、中學、日校夜校皆曾任教。現主力湊仔,閒時替人補習,寫網誌,打羽毛球,生活悠遊。

標籤

/生活經濟 (73) '生活智慧 (48) /數學概念 (42) #DSE每年MC詳解 (37) '數碼智慧 (33) '趣味文章 (23) #讀書溫習相關 (20) /數學應用 (19) #S5 (16) //奧數.數學遊戲. (15) '親子 (13) //圖表說故事 (9) #S4 (8) #高小 (8) //老師不教的數學 (8) ''Youtube (7) ''男女關係 (7) #S6 (6) 'Guest Post (6) //MC技巧 (6) #練習 (5) '精選文章 (5) //日曆數學 (5) $\Money and Banking(貨幣與銀行) (4) '經數學堂 (4) //答客問 (4) #S1 (3) #大專 (3) $\Opportunity Cost(機會成本) (3) //計數機 (3) /經濟學習 (3) #P1-3 (2) #S2 (2) $\(Elective) Monopoly Pricing (壟斷定價) (2) $\GDP (2) $\Market Structure (市場結構) (2) ''GIF (2) #2 (1) #3 (1) #K1-3 (1) $.Algebraic Equation in One Unknown(一元一次方程) (1) $.Co-ordinate Geometry(直角座標) (1) $.Measures of Dispersion(離差的量度) (1) $.More About Graphs of Functions(函數圖像的進一步認識) (1) $.Percentage(百分比) (1) $.Permutation and Combination(排列與組合) (1) $.Pi(π)(圓周率) (1) $.Plane Geometry(平面幾何) (1) $.Probability(概率) (1) $.Pythagoras Theorem(畢氏定理) (1) $.Quadratic Equations(二次方程) (1) $.Statistics(統計學) (1) $.Trigonometry (三角學) (1) $\Consumer & Producer Surplus (消費者與生產者剩餘) (1) $\Demand & Supply(供求理論) (1) $\Economic Growth and Development(經濟增長與發展)[選修] (1) $\Externality(界外效應) (1) $\Factors of Production(生產要素) (1) $\Fiscal policy(財政政策) (1) $\International Trade(國際貿易) (1) $\Market Structure(市場結構) (1) '待發佈 (1)

Youtube 頻道