精選文章

[生活中的經濟學] 難度 5**,機會成本(Opportunity Cost) 一問,90% 美國大學生都做錯的一條問題

好耐之前睇過一本英文書 (忘記了書名,如有好心人提供請告之),係講日常生活現象的經濟解釋,例如雪柜點解冰隔(freezer)冇燈?(因為買既人唔肯為唔常要開既燈比額外錢) 點解女士既衫鈕門開右邊?(因為方便以前15-16世紀時傭人幫穿) 咁點解依家唔轉番?(因為若轉的話有可能被人誤以為是男裝) 仲有好多有趣的問題。

該書開首有一條關於機會成本的問題,據作者講不少美國大學選修基礎經濟的Year1學生,抽樣答有9成左右做錯 (書中話比冇讀經濟同學答,啱的比率反而高一點)。給講師答亦有一半錯。(這些比例是我記憶中的,但應該相差不遠)

在此把問題分享給大家挑戰一下 (適合 DSE 學生測試一下):

【經濟學堂】機會成本論招租-恭和堂放租旺舖

(161228更新)
恭和堂龜苓膏店放租其在銅鑼灣地舖
今日一篇報導講述,恭和堂龜苓膏店放租了其在銅鑼灣波斯富街的一間一千呎的地舖,月租50萬。

表面睇,好似要關舖,好蝕;但睇真,其實這樣做絶對無可厚非,亦合乎經濟理論。
這個地舖為自家擁有,當然實際不用交租 表面成本(Explicit Cost)。但經濟學上,恭和堂卻放棄了放租而可收取到的租金收入!此為恭和堂自己經營的隱含成本(Implicit Cost)。(隱含成本是放棄了的價值,這裡即放棄了租金數入,即每月$50萬)
〔另一篇 中銀百週年紀念「炒」 亦有介紹表面成本及隱含成本這兩個概念〕
 
這可以說,有好多事情,外表睇上去好似唔太大代價,其實可能係有隱藏代價的!

好似,睇免費報紙,雖然表面唔洗錢(唔理佢生產成本先,純以消費者角度出發),其實你睇佢係用左你既時間咕喎!假設你好忙既,你攞份《頭條日報》,有成100頁以上(星期五由其厚!)!淨係揭哂都要成5分鐘啦!你呢5分鐘浪費左,原本可以做既嘢既價值就係你既隱含成本囉。而若果你揭完哂成份,發覺都冇嘢睇!咁你浪費左呢5分鐘,就成為沉沒成本(sunk cost)添啦! 
〔沉沒成本即不能追回頭的成本,分手說經濟 有詳述〕

講番恭和堂,佢咁放租係咪賺哂?非也!
大家諗下,佢咁退出銅鑼灣中心區又有冇咩放棄既隱含成本呢?
大家可在留言發表一齊討論。 

原文:
Executive日記——
收租好過賣龜苓膏 恭和堂關店歎世界
2012-07-13
http://news.hkheadline.com/dailynews/headline_news_detail_columnist.asp?id=198536&section_name=wtt&kw=0 

若果覺得我寫的文章好,可以在下方按 "Like" 或 "Share" 給其他人喔,謝謝!

訂閱博客更新: 按此以RSS訂閱
或以電郵訂閱:


留言

  1. 退出銅鑼灣中心區令到佢原來依個鋪位的廣告效率無左, 另一方面, 亦會令到原本公司的聲譽有影響(人地以為佢執左或者經營困難)

    回覆刪除

張貼留言

若想 *收到回覆* 通知,請以 Google帳號登入,並在「通知我」空格打勾。

另外,有時 Google會判斷留言需要審核,而不能即時顯示,請耐心等候,不需要重覆發表。謝謝!

Youtube 頻道