1。B；免費與經濟物品之分根本取決是否scarce。C不正確，因不同物品不能一同比較；D不正確，免費物品因為不需爭，才稱為免費物品。A與B選項自相矛盾，不scarce又何需爭呢？
2。C；任何用在生產的人造物品皆為 Producer Goods。
3。D；B會增加成本，因犠牲大左。
4。D；(2)正確因為冇耐性，所而先願意比利息。(3)可以用實物比利息，例如借蘋果還一啖作
利息。
5。C；2唔得因為會侵犯書商版權。
6。B；Capital ＝ Producer Goods
7。B；1都係，因為在長期。
8。B；C影响勞工需求，不是供應。
9。D；因為工種最唔專業，所以轉工種最易。
10。A（專欄作家）；A同D都好似，工作都比較單一，都好似可以件計。但巴士司機若用piece rate可能會使其貪快唔注意安全（同成日飛站）。
11。B；點有可能保証會有利潤？
12。B；要先計MC，MC由第三件起分別為23，25，27，29，31。要MC＝P，所以4件。利潤 = 25x4 - 22x4 = 12。
13。D；預計將來會貴，所以依家買定先；Mortgage interest rate 係買樓借錢要比既利率。如果預期將來會升，即係預期將來供樓既錢要比多左，所以唔啱。(
留言處有補充)
14。A；Derived demand 是指對原材料的需求（不同於complement 輔助品）；D的因果調轉左。
15。A；成本跌使供應向右移，即沿需求線移動(movement along the same demand curve)價跌小，量跌多，即需求彈性大。耐用品因購買時間較易可提早或延遲，所以彈性大。
16。B；Uber出現使的士多了替代品，所以其需求跌(D1)。油價跌即成本跌，所以供應升(S2)
17。A；若重建易左，會做多啲重建，所以要請多啲工人。C同D只影響工人供應：多啲津貼吸引多啲人入行做建築；澳門冇工開啲工人會番香港黎搵工（或者澳門人過黎做黑工）。
18。D；C沒違反因為在經濟增長期，人們收入升，所以對住宅樓宇需求上升。D是答案，因為租(固定成本)貴左，貴車相對冇貴咁多％，所以多左人買。或者你都可以諗租得起貴車位既人，自然都係較有錢既人，所以都會多左貴車。
19。A；先要補一行(見圖)，計算新的供給關係；未計政府補貼總收入會係12x50 = 600，政府補貼12x20 = 240，加埋剛好840；B唔啱因為係12x20 = 240； C唔啱，因為題中涉及供應增，所以是沿同一條需求移動(movement along the same demand curve)，價跌18.18%(10/55)(記住原值用中間值)，量升同樣是18.18% (2/11) 。D唔啱，因為有補貼(subsidy)正常供求中供應必增，交易量必升，使輔助品需求上升，均衡價及量均升，其總收入亦必然上升。
 |
| 2016 Econ DSE Paper 1 MC Q19 Demand Supply Table |
20。B；2唔啱因為natural 意即自然地都冇人爭，所以唔係唔比其他人enter market。3啱因為都要面對其他市場替代品的競爭，壟斷只代表冇 *近似*替代品 而已。
21。C；冇difference即係相等啦。A將total改為marginal (邊際) 就啱啦。D改為Total surplus of producer and consumer 亦啱。
22。D；競爭供給即要爭資源生產。Y需求升，所以其交易量升，用多左資源，少左資源去做X，所以X的供給跌。
23。C；都幾陰。[380 + 450 + (230 - 50) + (130 - 170)] + 30；首先，不用加Depreciation，因為已是Gross figure。另外，注意最底行的不是indirect tax，而是direct tax（如利得稅）。其分別為是否直接向人收取稅項。
24。D；又都幾陰。注意：1) 圖內表示的是GDP deflator (平減指數)，即是價格指數。2) 數值高於0表示通脹。所以A, B皆錯。C亦錯，因為有通脹時名義(Nominal )GDP會較高。D要用公式 Nominal interest = real interest + inflation (名義利率＝實質利率＋通脹)。[這式可理解為：問銀行借錢10厘(名義)，借100元一年後還110元，但同期通脹3％，扣除物價上升使購買力減少3元，銀行實回報為7元(實質)。]
25。C；(難，上年問過) 失業率為U / (U + E)；B,D好明顯會升高失業率。
B：減少勞工需求，使勞動人口減少，分母跌，U% 升。
D：失業救濟使多啲人搵工搵耐啲，U% 升。
A：多左勞動人口但其中亦有人失業，分子分母同升(數值不必相同)。U%不確定。
C：即退出勞動市場，分子分母同跌(數值相同)。U% 跌(如2/10 跌至1/9)。
***推到極至思考法：若所有失業人士全退出市場，分子變0，U% 必下降(變0)
26。D；RRR 升，銀行減少貸款，貨幣供應跌，利率升，消費及投資減少。A不對，因只會 *需求量* 跌；B不對：貿易伙伴貨幣升值，即本國幣扁值，出口價(以外幣計價)跌，出口增加；同理，入口減少。所以淨出口升，AD升；
27。C；1啱因為要請人做工程；2啱因為G升引致AD升，所以物價升；3啱因為資本總量Capital stock 上升了，所以最大產值亦升；3啱因此4唔啱：因為LAS升，其他因素不變下(即需求不變)物價應跌。（注工程完成G應減回原水平，亦即下跌）
28。B；都幾深。如要睇長期均衡，只需睇LRAS & AD，不用考慮SRAS。所以旅客減，AD跌，LRAS不變(舖位不變，藥房之類的舖會轉番做服務香港人的舖)。所以長期物價跌，但總產出不變。 （注：明顯係需求面既因素(一週一行)係唔會影響供應線既，否則點解要分2條線劃呢）
29。A；股市風險減低，使人多持有股票，因此減持現金。
B唔啱：其他因素不變下(如經濟前景)，純粹預期價格跌，Mt跌，因唔洗揸咁多錢買野。
C唔啱：明顯係貨幣供應因素，如上題講，供應既因素係唔會應影響需求。
D唔啱：呢個深，點解只影響Mt？因為Ma係Stock concept(存量)，係當你有幾多身家時，你想幾多用現金揸住。而可使用收入同Mt都係 Flow concept(流量)。
30。C；冇store of value 因為佢係攞錢去買野，冇儲起Purchasing power。
31。D；*實際(actual)* 銀行乘數應為2 (500/250)。 [注：銀行乘數字面已表示為一個倍數，其實就是存款與倍數的關係]
32。A；M1升：因為支票戶口存款升；M2跌，因為攞左儲蓄戶口500000，但只放番250000去支票戶口；M3不變 (其實如果問題中啲錢全部冇流出銀行體糸，M3係唔會變的) [注：這類問題除非好熟，否則應該M1 M2 M3 三條式應該順序逐條列式諗。]
33．(DELETED)
A；因為會少啲現金流失 (cash leakage)；
B會引致銀行貸款困難，增加超額儲備(excess reserve)；
C沒有影響，因為buy bonds結果一樣會將錢比番公眾，同借錢出去一樣，錢最終會番去做deposits。
34．D；Classical QTM 假設在長期實質GDP會維持在全民就業水平，而所有貨幣供應上升會轉化為同比例的價格上升。例如MS每年升10％，物價每年亦升10％。
35．A (C亦可以啱，但A啱啲，見解釋)；香港沒有股息稅(dividend tax)。汽車首次登記稅覆蓋在香港首次落地的車，所以，若林先生是在外國進口一輛二手車，也要交首次登記稅，但問題冇講清，所以應假設其在港購買。(https://eservices.customs.gov.hk/FRT/common/faq 問題9)
36。C；(注意x軸為income，而非taxable income) 先睇圖，新稅制下：1）免稅額少左 (x-intercept細左)；2）標準稅率低左 (橫線高度矮左)；3）低收入者稅率升 (兩線相交點的左邊)；較高收入者稅率跌左 (相交點右邊)。
A錯：窮人比多左(相交點左邊)，富人比少左(相交點右邊)
B錯：富人稅率低左，工作意欲應會提高。
C啱：稅基(tax base) 意即需要比稅的人有幾多；免稅額低左，稅基濶左。
D錯：總稅收可升，亦可跌，稅率跌，就好似商品減價，*視乎彈性*，總收入可升亦可跌。
37。B；（注意 1)是通縮；2)睇是否得益可睇購買力，例如，今日投放 $100，一年後即使都係收番$100，但因為通縮，一年後$100能買到的東西多左(啲野平左)，所以有得益）
(1) i-bond 息率＝1厘＋通脹率，下限是1厘。即通縮時仍有1厘回報，所以得益。
(2) 浮息按歇貸款，即息率可升或跌，但同通縮冇直接關係，所以通縮前後供款相同，但以購買力計則比多左 (因為物價跌同樣錢可買多左嘢)，所以損失。
(3) Pensioners(退休金收款人)會每月收到一筆定額的收入，如上原因所以得益。
38。(DELETED) C；政府開支與入息稅都會影響AD，但加入息稅(T) 並非直接影響AD（AD=C+I+G+X-M，沒有T，因為T不是開支），而是通過減低可使用收入(YD)，再減低C，但兩者幅度(YD & C) 跌幅並非一樣。 [舉例說，若T加$1000，YD減少$1000，C只會減少＜$1000 (e.g., 900)，因為儲蓄(S) 亦會因收入跌而減少 (e.g., $100)。]
所以若政府G及T同時加 $1000，C會跌但少於$1000 (e.g., $900)，所以總開支 (及AD) 仍會上升 。
39。A；貿易伙伴經濟復甦(收入升) ＞ 多買物品(包括外國物品) ＞ 國家A出口增加 [X升] ＞ AD升(向右移) ＞ 通脹缺口(inflationary gap)
短期產出(Output)上升 ＞ 國民收入升＞ 1)政府稅收升(利得稅、薪俸稅等) 2)福利開支跌(綜緩、失業救濟等) ＞ 政府收入升支出跌 ＞ 財政出現盈餘(Surplus)
40。C；(1)減利率 ＞ 1)借錢成本跌、投資(I)升 ＞ AD升 ＞ Y升 ＞ 出口(X)升 ＞ [總結]產出升(I,X升)，貿易結餘變差；Y升 ＞ 入息稅升 ＞ 財政結餘變好(見39條)；
(2)貨幣貶值、出口(X)升 ＞ [總結]產出升(X升)、財政結餘變好(見39條)；X升，貿易結餘變好
(3)入息稅升 ＞ 收入減 ＞ C & M跌 (因冇錢買少d野，包括外國野) ；入息稅升，開支不變，財政結餘變好
41。B；機會成本：國A：50T=80C --> 1T=1.6C；國B：20T=60C --> 1T=3C；國A產T成本較低，生產T，即國B生產C (入口T)；
如無運費，互利TOT: 1T=1.6~3C；
對國B而言，自己生產1T放棄3C，若TOT低於此則賺；
如今入口T運費要0.4C，即1T價格低於2.6C才使其低於本國生產成本。
所以互利TOT: 1T=1.6~2.6C
42。 C (56%)；(點會出條咁筍架？但仲咁多人錯架)
(1)錯梗，因為有import quota (入口配額)，入口量冇得升，已經做完。
(2)需求線向右移，配額不變下出現短缺，均價升。
(3)價升使本地供應增加，所以總銷售量升。
 |
| 2016 Econ DSE Paper 1 Q42 Import Quota 進口稅 |
43。B (48%)；外滙儲備升 $30 (即淨收左外國幾多錢)，而資本淨流入已貢獻 $20，咁貿易梗係貢獻多 $10啦。因題目中沒指明 20 及 X 是出口還是入口，但它們只有一個數，所以它們只可能是結餘（即淨出口）。20 + X = 10 ➜ X = -10
44。A (32%)；(條問題d英文寫到鬼咁複雜 \("▔□▔)/ )
(英文 Volume 應為 PxQ，因為現實中，出口貨物不能以件計，因有不同種類，單位不同不能相加)
區內其他國家貨幣貶值，其出口至美國升，所以國X的出口量(Q)會減少， 價格不變下，Volume (PxQ) 減少。
45⏫。D (56%)； [err]。(*tip:呢類open end問題[問題可有無限種結果的]，由D試起一般會快啲搵到啱既答案)
- 美元對歐元升(同樣$1美元換多左歐元)；或 歐元對美元跌(要用多左歐元先換得番同樣的美元)。
- 由於港元同美元掛勾，美元強 ➜ 港元強
- 呢類問題記得要分別以兩種貨幣去計價，看銷售額有否變。 見選項B,D。
D啱。港元強 ➜ 對歐洲來說，他們要以較多歐元，才可換價錢不變的香港出口（價[P]升）➜ 出口量[Q]至歐洲跌 ➜
以歐元計，total value 不明 ； 但因出口的港元標價(P)其實不變，但其出口量(Q)跌，所以
以港元計價的 total value 跌。
C可以啱。因港元美元掛勾，簡單諗應不影響港出口至美；但深層諗，歐元跌，美國多買歐元區產品，便少買港品(價不變即相對變貴，量跌)。所以C都應該啱。
B錯。歐元跌，歐產品價不變下，以港元計平左(P跌)，所以買多左。
以歐元計，價不變，
量升，總值升。
以港元計，價跌，
量升，總值不明。
A錯。來港使費貴左(以歐元計)，所以應該黎少左先啱。
若覺得這篇文章好，"分享" 給朋友吧！或留個 "Thank You" 呀！
想問經濟、數學？可 按此 到我的面書發問。
想第一時間收到最新文章，可訂閱博客更新 / RSS 。
