[經濟新聞解讀] 希臘，會否退出歐元區？對世界經濟的影響？下一個係...台灣！？

希臘「債務違約」

7月2日呢集光明頂，冇陶傑，但有台灣通譚志強博士，非常有教育性。

需然DSE學生應該大部分聽唔明，但都應該盡量聽下。對經濟知識有興趣人士亦絶對值得一聽。我以後會陸續得閒分享下我聽過覺得好既廣播節目。

呢集內容圍繞希臘佢「債務違約」，即係欠債走數到期唔還錢！人欠債就話可以搵人淋油啫，國家欠債唔還咁可以點？答案係只可以同佢絶交唔再同佢玩！

節目部分內容：
1。希臘退又死，唔退又死。只係揀長痛定短痛。
2。希臘原來盛產橄欖油，但加工要外判去德國，結果生產鏈中最賺錢部分冇左。
3。希臘過去8年，只得 6 季(季呀，唔係年呀！) 經濟正增長。
4。希臘唔願還債，原來同二戰比德國侵略過有關。德國d領導人，口裡說道歉，身體卻很老實(唔免你債)！唔，都係日本仔有良心，有一筆無償貸款比番中國呀(好似話幫助中國發展乜乜乜咁)。
5。若果希臘爆煲，對世界經濟影響輕微！因希臘GDP只佔歐元區約 2－3％！
6。原來好多國家都冇加入歐元區，最出名係英國，仲有保加利亞，克羅地亞，捷克共和國，丹麥，匈牙利，波蘭，羅馬尼亞，瑞典！
7。台灣，原來退休金等於退休前的 105％！！！



若覺得這篇文章好，"分享" 給朋友吧！或留個 "Thank You" 呀！
想問經濟、數學？可 按此 到我的面書發問。
想第一時間收到最新文章，可訂閱博客更新 / RSS 。