精選文章

[幼數K2K3] 分享幾個數學遊戲: 新包剪揼 啤牌數字火車 點筷子 (訓練排大小, 簡單加減數, 估計對手)

數學同語文一樣, 由細多接觸好重要, 我同呀仔經常會係生活中計數, 好似分提子呀, 排隊呀, 睇鐘呀咁。啱啱我仔幼稚園搵家長帶活動, 我就整理左啲數學遊戲, 在此分享給大家。

遊戲0-熱身 (5褔臨門) [全體, 無需道具] i) 大人叫 “2" (或舉 2 手指, 或指去數字 ”2” 或含數字意思圖案 (譬如時鐘既數字),
ii) 同學在坐位舉起 3 隻手指 (唔出聲), 使其加總為 5 ;
iii) 玩多幾個數, 最後叫 5, 睇下幾多人舉拳頭, 問其原因.

示範「拼 5」的分割 (1,4; 2,3, etc) [道具:雞蛋盒] 大人用 5 乒乓球, 試下拼 5 的不同分割 (1,4; 2,3, 5,0, etc)
(道具: 一橫可排 5個的展示長膠盒, 例如雞蛋盒)

遊戲1- 點筷子(Chop-sticks) [無需道具, 2-4人] 訓練基礎加數 呢個遊戲係小學界極多人玩, 幼稚園都可以玩, 不過最好先玩熟基礎版本先

[基礎版本]  i) 每人兩手各伸出 1隻食指 (狀似筷子), 輪流以手指掂另一人的手[或自己的手 (變化1)],


ii)「被點手」要多伸出「點人手」的手指數 (如上圖);
iii) 例如: 以 2 指 點向 1 指, 則被點方要開多 2隻手指 (即共開 3隻手指);
iv) 當一手伸出等於或多於 5 隻手指, 則該手爆炸, 需收在背後 [變化2 可以重分];
v) 誰留至最後尚有手者勝.

玩至熟練時,可加入以下規則,使遊戲更豐富:
[變化1] 「分手」    在你回合時, 你可自己的兩手互掂,將兩手的手指數重分配 (如 1,3 >>> 2,2)
   [注: 每手最少要有剩 1 隻手指]

[變化2] 「復活」 (先決條件:「分手」)    已爆的手都可做 分手, 使其復活

[變化3] 「正爆」    手指數剛好 5 才會爆;
   若多於 5, 則淨番多出的手指數 
例: 以 2指 點向 4指, 加總為 6, 則被點方要開番 1隻手指 (6 - 5 = 1); 

玩時可自訂要加邊種變化

遊戲2-「包剪揼揼揼」 (Low-Sham-Bow) [無需道具, 3-10人] 訓練去預測其他人的行為 我同佢地玩時, 我話呢個係勁過包剪揼既遊戲 🤣🤣🤣
[基礎版本]  i) 每人出一隻手, 伸出 1 至 5 隻手指 (1,2,3,4,…

溫書考試心得分享 - 如何讀好經濟科



香港現在的考試制度變成一戰定生死,DSE試平均要一舉取得5以上成績,入U才有保証。但莘莘學子好多都未識得點去讀書。

要知道勤力,都要加上用啱方法先會成功 (勤力+方法=成功)。要學生自己研究到條路,視乎學生幾時開竅。我好彩開竅得比較早,約中二時已知要點讀書,僥倖會考高考攞到滿意的成績,能入讀到香港大學經濟系。(我的完整資歷)

最近我開左一些溫書心得講座,係到等我分享一下其中一講,經濟科及一般既讀書技巧啦:
  • 首先,要令自己有個方向,定好目標要入大學。
  • 定時間表溫書,比自己適當壓力,唔好讀下停下。
  • 時間表 (升中六的 > 排好至開考前每一日; 升中五的 > 只排暑假(溫番中四))

1. 一般溫書技巧

  • 每周複習:記憶若不加強,上堂時學過的會好快忘記。所以一定要每周(或每兩周)抽時間,(係咁倚)睇番教過啲野,或做下練習,咁記憶會深刻好多,測驗考試時就唔洗咁辛苦。
  • 逐少背要記憶深,要逐少記:幾段記、幾頁再記、整課再記、幾課又記。(只記Point)
  • 溫加做:溫書必要附以做練習,才可鞏固知識。可用書本問題、坊間練習或有解釋的試題。
  • 目標為本:溫書時發覺游左魂,要盡快call番自己番黎。最好訂立每小時完成頁數。

2. 溫Econ

  • 書有三間:第一間,用鉛筆,篩走最不必要部分,一般例子唔間,約佔總內容6-7成
  • 第二間,間重要的,用營光筆,目的第時淨睇呢部分,都會明,約佔總內容3-4成;
  • 第三間,間Points,只間單字或詞,背誦記憶用,只佔總內容少於5%。 (3間要隔開)
  • 概念圖:Econ 的概念很邏輯性,且順序,宜用概念圖理解,並用MC題弄清每個概念。
  • 好開始:要特別讀好並真正明白Micro 同Macro 既頭2-3課,因之後每課都係佢地既延伸。

3. 點讀?

  • 要識睇圖:要知每條線的「因」(即自變數Independent variable,如價格)和「果」(即因變數Dependent variable,如數量),分別是那一個。
  • 要識劃圖:每條線劃的先後次序其實好影響理解,亦要清楚知道兩條軸是什麼。
  • 要澈底明:做MC作練習時,要知每個選項「對的為何對,錯的為何錯」,不是答對便算。
  • 但不用背:Econ只要 背/記 兩樣野: 1)定義, 2)因素(如需求因素);其餘明白+練習便可
  • 注意:坊間練習質素參差,不要盡信,有疑問一定要問清楚。

4. 考試技巧

  • 先講MC睇哂先做-先快睇題目(包括答案選項)一次,知道問乜,再詳睇一次,先答。
  • 注意是非:注意 是/否、出口/入口、是/非 等等,應用筆打圈或打記號
  • 先易后難:唔識的問題看有冇必錯的選項,打個大交义(記住Answer sheet漏空位)。最後先再番睇作答。若不夠時間,都一定要用最後10分鐘,再番睇問題並在未交义的選項撞一個。
  • 記低疑問:不是太肯定答案的,可在旁加「check」字,待有時間再睇。
  • 不要死纒:千萬不要死纒一條,以免打擊信心,及浪費時間。停低番轉頭做可能變易。
  • 再講LQ:唔知要答啲乜?當你解釋緊比一個唔識Econ的人知,所以要先寫定義。 

留言

關於作者

Ronald Chik (作者詳情及聯絡, 補習查詢)
教學廿多年,曾在傳統名校伊利沙伯中學、德愛中學任教,學位、副學士、文憑、毅進、中學、日校夜校皆曾任教。現主力湊仔,閒時替人補習,寫網誌,打羽毛球,生活悠遊。

Youtube 頻道