精選文章

[幼數K2K3] 分享幾個數學遊戲: 新包剪揼 啤牌數字火車 點筷子 (訓練排大小, 簡單加減數, 估計對手)

數學同語文一樣, 由細多接觸好重要, 我同呀仔經常會係生活中計數, 好似分提子呀, 排隊呀, 睇鐘呀咁。啱啱我仔幼稚園搵家長帶活動, 我就整理左啲數學遊戲, 在此分享給大家。

遊戲0-熱身 (5褔臨門) [全體, 無需道具] i) 大人叫 “2" (或舉 2 手指, 或指去數字 ”2” 或含數字意思圖案 (譬如時鐘既數字),
ii) 同學在坐位舉起 3 隻手指 (唔出聲), 使其加總為 5 ;
iii) 玩多幾個數, 最後叫 5, 睇下幾多人舉拳頭, 問其原因.

示範「拼 5」的分割 (1,4; 2,3, etc) [道具:雞蛋盒] 大人用 5 乒乓球, 試下拼 5 的不同分割 (1,4; 2,3, 5,0, etc)
(道具: 一橫可排 5個的展示長膠盒, 例如雞蛋盒)

遊戲1- 點筷子(Chop-sticks) [無需道具, 2-4人] 訓練基礎加數 呢個遊戲係小學界極多人玩, 幼稚園都可以玩, 不過最好先玩熟基礎版本先

[基礎版本]  i) 每人兩手各伸出 1隻食指 (狀似筷子), 輪流以手指掂另一人的手[或自己的手 (變化1)],


ii)「被點手」要多伸出「點人手」的手指數 (如上圖);
iii) 例如: 以 2 指 點向 1 指, 則被點方要開多 2隻手指 (即共開 3隻手指);
iv) 當一手伸出等於或多於 5 隻手指, 則該手爆炸, 需收在背後 [變化2 可以重分];
v) 誰留至最後尚有手者勝.

玩至熟練時,可加入以下規則,使遊戲更豐富:
[變化1] 「分手」    在你回合時, 你可自己的兩手互掂,將兩手的手指數重分配 (如 1,3 >>> 2,2)
   [注: 每手最少要有剩 1 隻手指]

[變化2] 「復活」 (先決條件:「分手」)    已爆的手都可做 分手, 使其復活

[變化3] 「正爆」    手指數剛好 5 才會爆;
   若多於 5, 則淨番多出的手指數 
例: 以 2指 點向 4指, 加總為 6, 則被點方要開番 1隻手指 (6 - 5 = 1); 

玩時可自訂要加邊種變化

遊戲2-「包剪揼揼揼」 (Low-Sham-Bow) [無需道具, 3-10人] 訓練去預測其他人的行為 我同佢地玩時, 我話呢個係勁過包剪揼既遊戲 🤣🤣🤣
[基礎版本]  i) 每人出一隻手, 伸出 1 至 5 隻手指 (1,2,3,4,…

法國人,醒下啦!


 
歐洲,真係鑊鑊新鮮鑊鑊金!

以下為 法國總統候選人奧朗德(Hollande)的政綱:(如果搬黎香港就好啦!)

1、聘請6萬個教師; (唔再有超額啦!咁多人,可以做到10人一班啦?!)
2、2017年先平衡財政預算; (咁即係年年會派$$$,因為我地近年「年年都有餘」)
3、向收入100萬歐元嘅人徵重稅; (李嘉誠,你仲唔大鑊!)
4、強迫公用事業減收費用; (向地鐵電力公司開刀!)
5、將退休年齡降至60歲; (早啲攞番啲冇增值能力嘅強積金!)
6、同時減個人薪俸稅。 (正!)


不過,法國政府好似已經「冇銀用」左好耐囉喎*,班選民選佢,其實就同我地買六合彩原理一樣---呃住自己先(以為會發達)!一路同自己講會中架,直至開彩一刻先至夢醒!

法國選民會選出佢一啲都唔奇,法國人(同好多歐洲人一樣,除左德國)一向都係嘆慣世界啦,唔到好似希臘咁都唔會夢醒(同我地買完六合彩對完,先發覺明天都係要繼續「打好呢份工」一樣!)!

希望唔好選中佢啦,法國人,醒下啦,兩個都係差架啦,揀個靚仔啲架啦,睇新聞時開心指數都高啲啦!



*國債佔其GDP超過80%

資料來源:GOOGLE PUBLIC DATA,爽報利世民
http://www.google.com.hk/publicdata/explore?ds=ds22a34krhq5p_&met_y=gd_pc_gdp&idim=country:fr&dl=zh-TW&hl=zh-TW&q=%E6%B3%95%E5%9C%8B%E6%94%BF%E5%BA%9C%E8%B2%A0%E5%82%B5

留言

關於作者

Ronald Chik (作者詳情及聯絡, 補習查詢)
教學廿多年,曾在傳統名校伊利沙伯中學、德愛中學任教,學位、副學士、文憑、毅進、中學、日校夜校皆曾任教。現主力湊仔,閒時替人補習,寫網誌,打羽毛球,生活悠遊。

Youtube 頻道