十大 Android 必裝而大家可能未裝的免費 Apps

記得大約兩年前我試過係一次朋友聚會,果時我啱啱用緊 Android 手機,同時係 Web App 亦正享受緊好多 Google Web App (GMail,日曆,翻譯等)的好處,我當時話 Google 的東西真的 user friendly,叫佢地有機會試下。


但其時啱啱發行左部 iPhone4S - 佢地個個都攞部 iPhone4 或者 4S 出黎,係度猛講裝邊個 Apps 好用,程定邊度做乜野,話 iPhone 好好用,梗係唔會轉會。而我,就一個人,坐埋係枱角邊,「獨守胸圍」。。。。。。

時至今日,身邊愈來愈多人「轉會」(我一早話左你地架啦~),
但很多人都未玩熟,於是在此我決定講講我的Android 必裝 Apps 心得。


首先 WhatsApp, WeChat, Facebook, LINE 等等都唔洗我多介紹啦,果啲個個未裝機前都已經識架啦。我只會集中講一啲冇咁多人知果啲:

1. QuickPic (快圖瀏覽)
你仲用緊你跟機的媒體播放器嗎?試下呢個啦!佢可以把一些非真正相簿資料夾圖檔(如 gReader)排除不要顯示,或者把一些相簿用密碼隱藏起來。另外它的設定很豐富(可按不同方法把相片排序,改檔名,移動複製,內置圖片編輯,投影片功能,等等),亦很易用。
實用:★★★★★  功能:★★★★★  易用:★★★★

2. 輸入軟體(1)CedIME (倉頡中文輸入法好用App)
在細小的營幕不怕手指太大隻按錯鍵,它會自動更正(即打錯隔離都照入到字 [見示範],我已試過哂,其他輸入 Apps 皆沒有)。亦有查碼,聯想字,常用聯常字及語音輸入等正常輸入法有的功能。但如果你用速成咁CedIME既幫助就唔咁大啦。所以,快啲學倉頡(呢度有倉頡免費學習資源及6小時課程資料)啦,真係打得快好多架,我自己一日就學識啦,這是一個甚為值得的投資!!!
實用:★★★★★  功能:★★★★  易用:★★★★★

3. 輸入軟體(2)簡易語音記事本
呢個 App 我真係想知有幾多人知道用緊?佢係我自己 Search 爛個 Play Store 咁搵番黎架(我覺得點會冇語音輸入 App 架)!但對啲好似我地呢啲博客成日要打中文黎講,真係好用到爆!佢可以用廣東話語音(用口講)整句輸入,佢係用 Google 既語音 Engine(會要用數據量),所以都認字認得真係幾快幾準架,每次講完都有8句比你揀譯得最啱的一句,仲有學習功能,可以提高準確度。
實用:★★★★★  功能:★★★★  易用:★★★★★

4. Battery Calibration(電池較準)
電池長期义义用用,電池記憶記錄的準確度可能會出現少許偏差,這會令電池未差滿便錯誤地顯示為100%。這時可用這 App 較準(不用 root,root = jailbreak)。做法:只需义電滿 100% 後,再多义 5-10 分鐘,確保真正义滿;再在 App 內按一個制便可。
實用:★★★★★  功能:★★★  易用:★★★★★
(此 app 現已變為付費版,舊版免費版可在此下載

5. WiFi Power Saver(自動關 wifi)
一次有一友人告知我她的 Note II 既電好勉強夠用一日,但佢又唔睇片唔打機,主要淨係 WhatsApp。於是我攞佢部電話黎睇睇,一睇之下,發覺佢開哂 wifi,GPS,藍芽@@。咁舊電梗唔夠用啦!!!呢三樣野平時唔用真係應該關左佢,特別係我地呢啲用普通 size 電話既添。
呢個 App 可以讓你設定當 wifi 冇連線一定時間後,幫你自動關掉它,等你唔會係屋企出門唔記得關 wifi 。
實用:★★★★★  功能:★★★  易用:★★★★

6. GTasks(記事/工作表)
你用得 smartphone,你要記啲簡單野梗係記入部電話度啦。
不過,大部分電話內置的記事本 app,都沒有網上同步或備份 (Backup) 功能,你只能係電話度輸入,方便程度爭咁啲。
我呢,就用 GTasks,它能與 GMail 內的工作表 (Tasks) 進行雲端同步。
實用:★★★★★  功能:★★★★  易用:★★★★

另一我覺得都幾好用既 App 係 Evernote,佢同樣可以同步至 Evernote 的網站。佢更可以記錄相,甚至音訊。但佢個界面就比較亂,同埋佢既免費版會限制同步流量。

7. gReader(Google 閱讀器)
我身邊好多人用部 smartphone 主要只係用黎 WhatsApps,將部手機變成左流動板既 MSN。 真係嘥哂。
其實部智能手機最起碼可以拎黎睇下野,吸收下時事、知識呢啲日月精華啦。裝呢個 gReader App 啦,佢可以訂閱啲有 RSS 發佈既網站(好似我個 blog 的 RSS)。

訂閱 RSS 方法:
 (1)輸入關鍵字,或直接輸入網址(e.g., ronaldchik.com

亦可看看 gReader 有什麼的預設 RSS 提供,但其選擇不多:
 

實用:★★★★  功能:★★★★  易用:★★★

另一頗好的閱讀 App 我覺得係 MyMetroHK。它比《都市日報》的官方 App 好用得多,可調較字體大小,可定時下載等等方便的設定。

8. Readability / Make Readable Later
有時睇到啲網站,有啲好文,但係好長,其實可以儲存落去呢個 App 既度。
佢既功能係將個網站,篩走哂啲唔相關既其他野(如廣告、其他連結等),只係餘番最主要既文章,增加其可閱讀性。佢仲可以將啲原本多於一頁的網站文章,連埋變成一頁儲起。
Readability 有埋 PC 版Firefox / Chrome 都有佢既 add-on。咁你係屋企上網時,都可以將啲睇唔哂既長文,帶出街睇啦。
用法:當睇到啲長文,或文章的連結,「分享」至 Readability 即可。
但 Readability 它官方 App 的「分享加入」 function 太遲緩,我會用另一第三方 App "Make Readable Later" ,它幾乎即時能加文章至 Readability。
實用:★★★★  功能:★★★★  易用:★★★★★

我個人覺得佢好用過另一類似的 App - Pocket,因為 Readability 佢會自動在你睇完一篇文章後,你只要向下撥多一下就可以睇下一篇。Pocket 好處係界面比較靚。

9. Dropsync
有時若果你由公司帶啲野番屋企做,又或者有啲檔案想分享比人,又或者好似我咁,會有啲教學筆記打左想帶出街時睇下,你可以放係 PC 既 Dropbox Folder 度,跟住設定 Dropsync 將個 Folder 同步至你的手機中。
未有Dropbox?就真係要試下用 Dropbox 啦。(呢條 link 係 Web 版,係以小弟為介紹人的,你若用這連結開戶也會有額外0.5 GB容量)佢免費版有 2 GB 容量,完成佢一啲任務會再加,包括介紹別人用。(教學按此
記住裝埋 PC/Mac 版呀,會方便好多架(成功介紹人係需要對方安裝埋 PC 版的),佢會將你 PC 內一個你自選的資料夾同步至 Web 既 Dropbox。咁當你想放野去 Dropbox 時,你就咁將個 file 複製到 PC 內的相應資料夾就得啦。

Dropbox 加埋 Dropsync 一齊用,就真係天衣無縫啦。
實用:★★★★  功能:★★★★  易用:★★★

順帶一提,Dropsync 仲有付費版(依家仲減價中添),其實真係非常抵用,正價大約 $25 左右,佢係我第一個係 Play Store 真心想買同非常滿意既付費 App。(之前試過 Google Play 冇設定到密碼,就比我姪女係打打下企鵝跳跳跳時,就係 Google Play 買左啲寶物啦!所以你地大家,就快啲打開 Google Play 既設定 set 好密碼啦)

10. Profile Scheduler(模式設置及定時模式)
有冇人試過夜晚瞓瞓下覺時,比人 WhatsApp 或者 LINE 醒左你跟住瞓唔番丫?有啲人會瞓覺時關掉手機或者靜音左佢,但咁如果有緊急電話咁點算?有啲人會關左 data,但有時第二朝又唔記得開番,就算記得晚關朝開,日日咁做都幾麻煩。依家數碼年代梗係要數碼產品幫我地自動化啦,咁用呢個 App 啦!

我最主要用佢,設定係晚上11時後,做夜間模式,然後將夜間音量設定至15度入面既 2-3度。另外我會 set WhatsApps /LINE 的响聲設為只「噹」一聲。咁夜晚就唔怕被人 App 醒啦。
另外,我亦設定好當我的 Google 日曆度有「教學」的活動時,手機會自動去「靜心」模式。咁就又唔洗成日㩒黎㩒去,或者唔記得㩒啦。
實用:★★★★  功能:★★★★★  易用:★★★


最後送多一個都幾好用的啦:

11. BoxFun WhatsApp Kakao Chat / Smileys for WhatsApp
對於啲重症 WhatsApp 沉溺症患者,雖然 WhatsApp 最近月已經更新左好多的新圖(其實啲圖可以連績輸入架,看我之前的博文),但都唔夠用。你睇 LINE 幾多靚圖?其實你可以裝以上兩個 Apps,佢其實係一啲常用嘅圖檔既集合,等你當表情圖檔 send 出去。好齊全下架。
實用:★★★  功能:★★★  易用:★★★★★



【以上文章同時發表於HongKongCard.com

相關網頁:
更多生活智慧
生活智慧齊分享 Facebook



 ----- 
想學好經濟/數學?想搵兩科的資源?
或者學倉頡?
請到植Sir的 經數學堂 網站
-----



若想收到我的最新文章通知,可以訂閱喔!或讚好我們 經數學人 Facebook
訂閱博客更新   在下方輸入電郵訂閱,或可以 RSS 訂閱


留言

張貼留言

若想 *收到回覆* 通知,請以 Google帳號登入,並在「通知我」空格打勾。

另外,有時 Google會判斷留言需要審核,而不能即時顯示,請耐心等候,不需要重覆發表。謝謝!

Youtube 經數頻道