精選文章

[幼數K2K3] 分享幾個數學遊戲: 新包剪揼 啤牌數字火車 點筷子 (訓練排大小, 簡單加減數, 估計對手)

數學同語文一樣, 由細多接觸好重要, 我同呀仔經常會係生活中計數, 好似分提子呀, 排隊呀, 睇鐘呀咁。啱啱我仔幼稚園搵家長帶活動, 我就整理左啲數學遊戲, 在此分享給大家。

遊戲0-熱身 (5褔臨門) [全體, 無需道具] i) 大人叫 “2" (或舉 2 手指, 或指去數字 ”2” 或含數字意思圖案 (譬如時鐘既數字),
ii) 同學在坐位舉起 3 隻手指 (唔出聲), 使其加總為 5 ;
iii) 玩多幾個數, 最後叫 5, 睇下幾多人舉拳頭, 問其原因.

示範「拼 5」的分割 (1,4; 2,3, etc) [道具:雞蛋盒] 大人用 5 乒乓球, 試下拼 5 的不同分割 (1,4; 2,3, 5,0, etc)
(道具: 一橫可排 5個的展示長膠盒, 例如雞蛋盒)

遊戲1- 點筷子(Chop-sticks) [無需道具, 2-4人] 訓練基礎加數 呢個遊戲係小學界極多人玩, 幼稚園都可以玩, 不過最好先玩熟基礎版本先

[基礎版本]  i) 每人兩手各伸出 1隻食指 (狀似筷子), 輪流以手指掂另一人的手[或自己的手 (變化1)],


ii)「被點手」要多伸出「點人手」的手指數 (如上圖);
iii) 例如: 以 2 指 點向 1 指, 則被點方要開多 2隻手指 (即共開 3隻手指);
iv) 當一手伸出等於或多於 5 隻手指, 則該手爆炸, 需收在背後 [變化2 可以重分];
v) 誰留至最後尚有手者勝.

玩至熟練時,可加入以下規則,使遊戲更豐富:
[變化1] 「分手」    在你回合時, 你可自己的兩手互掂,將兩手的手指數重分配 (如 1,3 >>> 2,2)
   [注: 每手最少要有剩 1 隻手指]

[變化2] 「復活」 (先決條件:「分手」)    已爆的手都可做 分手, 使其復活

[變化3] 「正爆」    手指數剛好 5 才會爆;
   若多於 5, 則淨番多出的手指數 
例: 以 2指 點向 4指, 加總為 6, 則被點方要開番 1隻手指 (6 - 5 = 1); 

玩時可自訂要加邊種變化

遊戲2-「包剪揼揼揼」 (Low-Sham-Bow) [無需道具, 3-10人] 訓練去預測其他人的行為 我同佢地玩時, 我話呢個係勁過包剪揼既遊戲 🤣🤣🤣
[基礎版本]  i) 每人出一隻手, 伸出 1 至 5 隻手指 (1,2,3,4,…

【數字人生】靚仔靚女求職攻略,有相冇相策略怎選?

大學生爭職位難
很多大學生剛畢業的時候,都可能試過寄出許多的求職信,但都未能得到一個面試的機會,之前有碩士生都係咁仲上埋頭條添!有些人會說,這是因為自己的運氣不好,甚至不夠靚仔/靚女。唔好笑呀,這應該好真實架!平均來講,靚人會搵錢多點(陳振聰呢啲擺明係特殊例子啦),繼之前美國教授曾經話要補貼醜人後,日本最近亦好認真咁研究想開徵靚仔稅。但是有研究卻証實情況恰恰相反!

經濟學人在較早前曾有文章,指靚女在求職時反而會較「蝕底」!
報導說,靚女平均要寄出11封求職信才可得到一個面試機會,但是一個樣貌普通的女士卻只需要寄出7封。
該測試(Ben-Gurion University 及 Ariel University Centre)是這樣的,2500名參加者向不同的職位寄出2封相同的履歷,其中一封付上照片,而另一封則沒有。而該批相片在寄出前曾被給予評分。

結果是,靚仔的男士穫得面試機會較大。女士的結果則相反,靚女平均獲得面試的機會較少。男女不平等呀!!!為什麼會男女相反呢???

最初教授們以為原因是人們認為「靚女多是蠢 “dumb-blonde hypothesis”」。但是研究中,亦同時有為參加者照片看似的聰明程度評分,但是結果卻是,看似是否聰明與是否獲面試的機會互不相干。
都係寄呢張相去好啦

那為什麼靚女穫得面試機會較低呢?原來原因在於人力資源部的陰盛陽衰!在該研究中,93%的個案,會由女士決定參加者能否得到面試。所以,非常可能的原因是,女士出於妒忌,所以不去選靚女去面試!(RC:這亦進一步解釋了為何靚仔獲面試機會較高!好在我好少要寄求職信面試啫!)

靚女們,你現在知道應否在求職信中附上照片啦!

該研究就此結束。其實我覺得該研究應該再加上一項,就是對決定面試的主管的樣貌評分。看看是否越漂亮的女子,越會妒忌其他的靚女!你覺得呢?

原文:Economist

相關文章:
長相美或醜 薪水差14% (原文自商業周刊)
邊個要保護?魯芬八両金的福音?

留言

關於作者

Ronald Chik (作者詳情及聯絡, 補習查詢)
教學廿多年,曾在傳統名校伊利沙伯中學、德愛中學任教,學位、副學士、文憑、毅進、中學、日校夜校皆曾任教。現主力湊仔,閒時替人補習,寫網誌,打羽毛球,生活悠遊。

Youtube 頻道