精選文章

[幼數K2K3] 分享幾個數學遊戲: 新包剪揼 啤牌數字火車 點筷子 (訓練排大小, 簡單加減數, 估計對手)

數學同語文一樣, 由細多接觸好重要, 我同呀仔經常會係生活中計數, 好似分提子呀, 排隊呀, 睇鐘呀咁。啱啱我仔幼稚園搵家長帶活動, 我就整理左啲數學遊戲, 在此分享給大家。

遊戲0-熱身 (5褔臨門) [全體, 無需道具] i) 大人叫 “2" (或舉 2 手指, 或指去數字 ”2” 或含數字意思圖案 (譬如時鐘既數字),
ii) 同學在坐位舉起 3 隻手指 (唔出聲), 使其加總為 5 ;
iii) 玩多幾個數, 最後叫 5, 睇下幾多人舉拳頭, 問其原因.

示範「拼 5」的分割 (1,4; 2,3, etc) [道具:雞蛋盒] 大人用 5 乒乓球, 試下拼 5 的不同分割 (1,4; 2,3, 5,0, etc)
(道具: 一橫可排 5個的展示長膠盒, 例如雞蛋盒)

遊戲1- 點筷子(Chop-sticks) [無需道具, 2-4人] 訓練基礎加數 呢個遊戲係小學界極多人玩, 幼稚園都可以玩, 不過最好先玩熟基礎版本先

[基礎版本]  i) 每人兩手各伸出 1隻食指 (狀似筷子), 輪流以手指掂另一人的手[或自己的手 (變化1)],


ii)「被點手」要多伸出「點人手」的手指數 (如上圖);
iii) 例如: 以 2 指 點向 1 指, 則被點方要開多 2隻手指 (即共開 3隻手指);
iv) 當一手伸出等於或多於 5 隻手指, 則該手爆炸, 需收在背後 [變化2 可以重分];
v) 誰留至最後尚有手者勝.

玩至熟練時,可加入以下規則,使遊戲更豐富:
[變化1] 「分手」    在你回合時, 你可自己的兩手互掂,將兩手的手指數重分配 (如 1,3 >>> 2,2)
   [注: 每手最少要有剩 1 隻手指]

[變化2] 「復活」 (先決條件:「分手」)    已爆的手都可做 分手, 使其復活

[變化3] 「正爆」    手指數剛好 5 才會爆;
   若多於 5, 則淨番多出的手指數 
例: 以 2指 點向 4指, 加總為 6, 則被點方要開番 1隻手指 (6 - 5 = 1); 

玩時可自訂要加邊種變化

遊戲2-「包剪揼揼揼」 (Low-Sham-Bow) [無需道具, 3-10人] 訓練去預測其他人的行為 我同佢地玩時, 我話呢個係勁過包剪揼既遊戲 🤣🤣🤣
[基礎版本]  i) 每人出一隻手, 伸出 1 至 5 隻手指 (1,2,3,4,…

[親子活動] 公共圖書館 兒童故事時間 Bookflix(動畫書) 及其他適合小朋友活動及資訊 ─ 圖書館APP、擔保人圖書證等等 (18年1月更新)

本篇摘要:

香港既圖書館,公共圖書館(HKPL)或非政府組織(NGO)既,都有一些適合小朋友的活動

好似我呀仔咁,佢未夠 3 歲既時候,就已經係小童群益會度,參加左小小愛書人計劃,開始借繪本睇。同時佢仲有導師講故事時間,呀仔未足 2 歲就開始去聽故事,佢由開頭不甚專心,慢慢變為會搶答導師既問題。(其實果時我都有講故事比佢聽,不過佢 2 歲左右反叛期唔多肯聽)

[關於小童群益會既圖書活動請見本文文末]

至於公共圖書館(HKPL),資源更多,有更多活動 (按吸引程度排):

兒童故事時間

香港公共圖書館活動 ─ 兒童故事時間
兒童故事時間
兒童故事時間,目的是通過講故事、互動遊戲和朗誦等,培養兒童對閱讀的興趣。(跳至搜尋方法)
2018 Jan 12 update : 上周日去左深水埗元州街圖書館聽故事(朝早10點),怕多人所以 9:30 去到,等左半小時,10點開門入去前一刻,職員先話你仔未夠 5歳唔入得(仲要態度極差)。
我梗係據理力爭啦,我話網上資料冇寫呢樣條件喎 > <... 結果問左館長最後都入左去,我一個小時之後去接番呀仔既時候,佢仲同個一齊聽故事既姐姐玩得好開心添。
  • 每週一次,每次一小時,主要係星期六日。
  • 以粵語講述,參加者對象為4至11歲小朋友 (注: 元州街圖書館要5歲[見上文])。
  • 部分館需憑票入場 (約開始前半小時派發)。
  • [細節可能每館不同]
  • [有意更可以申請成為導師]
[兒童故事時間詳情]


BookFLIX

BookFLIX 有不同類別的書本種類
以動畫形式製作的經典故事書,並搭配相關的兒童非小說類電子書,內容引人入勝,有助兒童讀者建立和應用基本閱讀技巧,引導他們探索求知。

其動畫製作精美,家長可在圖書館先借閱相關圖書,再配合給幼兒看動畫,相輔相承。

注: BookFlix 為 Scholastic公司產品,需要以圖書館用戶登入[使用教學]

使用方法簡介:

1) 想搵出啱孩子年齡的圖書,可以按年齡排列 (但有部分項目未有年齡資料)
(畫面右上方點 [Resources] > 點最右方的 Tab [Title Browse] > 列表上方 [Sort By] 點 [Age] )
 BookFlix

2) 到 Scholastic 網站可看每個類別全部項目書本的列表,方便找合適的書
Scholastic

兒童及青少年閱讀計劃

兒童及青少年閱讀計劃 我的「閱讀足印」紀錄冊
兒童及青少年閱讀計劃 我的「閱讀足印」紀錄冊
這計劃是為了鼓勵更多小朋友閱讀習慣,望能鼓勵會員以文字/圖畫創作分享閱讀樂趣和經驗,並多參與圖書館的閱讀活動,歡迎就讀幼稚園至中六學生參加。

會員會獲發兒童及青少年閱讀計劃「閱讀足印」記錄冊乙本,以記錄低你曾讀過的圖書。無論係咪喺公共圖書館借既,都可以幫你蓋印 (學校/幼稚園都可以) ,一年完咗之後更加可以畀返個獎狀去鼓勵個小朋友。(每年9月開始新一個年度)

我好想呀仔參與,我係11月(17年)係圖書館幫呀仔入左會,攞左本記錄冊,但一路都未填...

[兒童及青少年閱讀計劃詳情]

月月讀書樂(月會)

月月讀書樂 (月會)不同館有不同程度的專題
月月讀書樂 (月會)不同館有不同程度的專題
不同圖書館每一或兩個月會舉辦不同專題活動,例如小小科學家、海洋世界、環保小玩意, etc,活動主要會是分享相關主題之書籍。

對象:兒童及青少年閱讀計劃會員(幼一至中六)


家庭讀書會

家庭讀書會

家庭讀書會會透過定期舉辦關於閱讀的聚會,並設網上討論區加強導師學員之間溝通。
宗旨是鼓勵家長與兒童一同參與,培養持續閱讀的興趣和習慣、享受閱讀的樂趣。

(並非每間圖書館都有,查看會開辦的圖書館按此)

對象

就讀幼稚園至小三的小朋友,與一位家長一同參加。

細則

  • 每個讀書會名額為10 - 15個家庭 (1位家長與1位小朋友為一個家庭單位)。
  • 會員須出席4 - 6次聚會 (視乎個別讀書會規定),每次聚會約1小時至1小時30分鐘。如出席率達75%,可獲頒證書。
  • 會員將在圖書館內公開招募。參加表格可向舉行活動的圖書館索取。如申請參加人數超出名額,將以公開抽籤決定。
  • 一般在首次聚會月份前兩個月的1號至月底,可在相關圖書館報名,並在首次聚會之前一個月的月中抽籤並發放通知給中籤人士。 (例如首次聚會月份為 4月,則約在2月1日至2月28日,可到該圖書館報名,並在3月中左右收到通知是否報名成功)

小童群益會幼兒借書服務

小童群益會可以比不足三歳幼兒借圖書
小童群益會「小小愛書人」計劃
  • 部分小童群益會設有圖書館(會址一覽),可以會員證外借圖書。(部分則只可以喺館入面睇)
  • 佢地除咗有兒童/青少年會員,仲有家庭會員。家庭會員要子女足三歲先至可以申請。(佢地有好多活動都啱小朋友架,好似跳舞,畫畫咁)
  • 咁未夠三歲係咪唔可以借書呢?咁又唔係,佢哋有一個叫做「小小愛書人」嘅計劃,係畀啲未夠三歲嘅小朋友去申請借書嘅。
  • 其實自從開始做全職湊仔之後,對湊仔呢個職業都累積咗一啲經驗同心得,下次再寫其他。

其他圖書館資訊

圖書館活動搜尋器
HKPL 活動搜尋引擎
想知每間圖書館的故事時間?HKPL 設有搜尋引擎(連結按此)。
這引擎可按地區,或按月份搜尋,更可搜尋其他的 HKPL 活動。

一些專題講座其實都幾吸引,例如海外華人系列、長者健康、和諧家庭、親子共讀、中國文化等等

預約(Reserve)圖書

預約圖書(綠色按鈕)到指定的圖書館
1.預約圖書(綠色按鈕)到指定的圖書館

如果你喺圖書館嘅網頁搵啱咗書,但個館好遠,其實你可以畀$3.3 (2017年價),就可以幫你送去你指定嘅圖書館,等你喺方便嘅時間先去攞。

擔保人專用圖書證



「為照顧年幼讀者、長者及行動不便人士的需要,擔保人可使用受擔保圖書證持有人的帳戶,代為外借圖書館資料。」

一般應該先申請左「兒童借書證」,之後再申請這個「擔保人專用圖書證」。詳情請向圖書館查詢。

圖書館apps (Android & iOS)

我的圖書館app
我的圖書館app
呢個政府app算係做得幾好架啦 (幸福唔係必然...),佢有以下主要功能 (引用自 Android Play Store):
  • 登入個人圖書館帳戶*> 搜尋、預約和續借*圖書館資料
我的圖書館
可同時控制多個帳號
    • 在我的清單*內存取圖書館資料 (我的清單可供你方便記錄想借/好睇etc書本)
    我的清單
    我的清單
    • 查閱公共圖書館的地址及開放時間 > 通過全球定位系統搜尋就近的公共圖書館
    • 使用個人化提示服務,收取預約待取及到期日提示*的通知*> 掃描國際標準書號(ISBN)條碼*,以快速搜尋圖書館資料
    通知設定
    收取預約待取及到期日提示
    掃瞄檢索
     掃描國際標準書號(ISBN)條碼*,以快速搜尋圖書館資料
    • 將喜愛的圖書館資料透過電郵、即時通訊軟體及社交平台分享給朋友
    • 用 APP 預約可以預設一個取書點 (我預設左荔枝角),網上預約則要每次輸入。
    1.選MENU,再點帳戶資料及管理
    1.選MENU,再點帳戶資料及管理
    2.選預設取書地點
    2.選預設取書地點


    其他你可能不知既圖書館資訊

    • 一個證可以借八本書
    • 家長可以申請多一個擔保人專用圖書證代子女再借八本書,即一共可以借到16本書。
    • 續借最多5次,即係約可以借3個月 (如無人預約你本書的話)。
    • 如遇人預約你手上既書,會顯示你不能續借。但過多幾日可能個預約會冇左,你又可以續借番。
    • 不可以攞其他人借書證去借書既,職員會問你佢本人係唔係到的。 [除非你唔經職員啦...]
    • (2017左右)即使遲咗唔記得續借,你依然可以喺網上續借得到(親身去續應該都得),逾期費用你可以遲啲補交。(以前一遲就不能續借,要拿拿聲還 ╮(-_-)╭ )

    關於借書大家又有乜野心得呢?如果有啲咩心得都歡迎留言,我會適時補充番落內文度。


    First published on Dec 15, 2017


    若覺得這篇文章好,"分享" 給朋友吧!或留個 "Thank You" 呀!
    想問經濟、數學?可 按此 到我的面書發問。
    想第一時間收到最新文章,可訂閱博客更新 / RSS 

    留言

    關於作者

    Ronald Chik (作者詳情及聯絡, 補習查詢)
    教學廿多年,曾在傳統名校伊利沙伯中學、德愛中學任教,學位、副學士、文憑、毅進、中學、日校夜校皆曾任教。現主力湊仔,閒時替人補習,寫網誌,打羽毛球,生活悠遊。

    Youtube 頻道