精選文章

[幼數K2K3] 分享幾個數學遊戲: 新包剪揼 啤牌數字火車 點筷子 (訓練排大小, 簡單加減數, 估計對手)

數學同語文一樣, 由細多接觸好重要, 我同呀仔經常會係生活中計數, 好似分提子呀, 排隊呀, 睇鐘呀咁。啱啱我仔幼稚園搵家長帶活動, 我就整理左啲數學遊戲, 在此分享給大家。

遊戲0-熱身 (5褔臨門) [全體, 無需道具] i) 大人叫 “2" (或舉 2 手指, 或指去數字 ”2” 或含數字意思圖案 (譬如時鐘既數字),
ii) 同學在坐位舉起 3 隻手指 (唔出聲), 使其加總為 5 ;
iii) 玩多幾個數, 最後叫 5, 睇下幾多人舉拳頭, 問其原因.

示範「拼 5」的分割 (1,4; 2,3, etc) [道具:雞蛋盒] 大人用 5 乒乓球, 試下拼 5 的不同分割 (1,4; 2,3, 5,0, etc)
(道具: 一橫可排 5個的展示長膠盒, 例如雞蛋盒)

遊戲1- 點筷子(Chop-sticks) [無需道具, 2-4人] 訓練基礎加數 呢個遊戲係小學界極多人玩, 幼稚園都可以玩, 不過最好先玩熟基礎版本先

[基礎版本]  i) 每人兩手各伸出 1隻食指 (狀似筷子), 輪流以手指掂另一人的手[或自己的手 (變化1)],


ii)「被點手」要多伸出「點人手」的手指數 (如上圖);
iii) 例如: 以 2 指 點向 1 指, 則被點方要開多 2隻手指 (即共開 3隻手指);
iv) 當一手伸出等於或多於 5 隻手指, 則該手爆炸, 需收在背後 [變化2 可以重分];
v) 誰留至最後尚有手者勝.

玩至熟練時,可加入以下規則,使遊戲更豐富:
[變化1] 「分手」    在你回合時, 你可自己的兩手互掂,將兩手的手指數重分配 (如 1,3 >>> 2,2)
   [注: 每手最少要有剩 1 隻手指]

[變化2] 「復活」 (先決條件:「分手」)    已爆的手都可做 分手, 使其復活

[變化3] 「正爆」    手指數剛好 5 才會爆;
   若多於 5, 則淨番多出的手指數 
例: 以 2指 點向 4指, 加總為 6, 則被點方要開番 1隻手指 (6 - 5 = 1); 

玩時可自訂要加邊種變化

遊戲2-「包剪揼揼揼」 (Low-Sham-Bow) [無需道具, 3-10人] 訓練去預測其他人的行為 我同佢地玩時, 我話呢個係勁過包剪揼既遊戲 🤣🤣🤣
[基礎版本]  i) 每人出一隻手, 伸出 1 至 5 隻手指 (1,2,3,4,…

DSE 數學科最後衝刺升grade建議3點

各位新高中首屆應考同學:

數學科係黎緊禮拜一就開考啦!各同學準備好哂未呢?做哂 pastpaper 未呀?

係呢度,等我 「經數學人」同大家講下係 最後一刻要特別注意但係又成忽略左)嘅地方啦。


1)必須要做齊考試局出嘅2份練習巻(下面有link)!

其實,好多同學都未必為意你地係第一屆黎架!猛做會考嘅 pastpaper,但其實,syllabus加左嘢啦,亦都改左問法,只係狂做會考巻你肯定會"miss something"!所以一定要做考試局份 Sample Paper (答案) 同 Practice Paper(mock) (答案)!一定要做足兩份!因為估計真正巻形式會好似!

2012 Paper 2 詳細答案解釋在此


2)計算考試每Section時間分配(睇錶做人)
好多人話 「Section A 嘅問題要做快啲,留時間做 Section B」。筆者恕不同意,因為我覺得你應該對熟識嘅問題去打「穩陣波」!唔好明明識嘅但心急計錯!根據筆者本人公開考試經驗(會考2A3B3C,高考ABCD),跟分數預時間係最好分配時間嘅「黃金定律」!因為考試局定分數係唔會死錯人嘅,仲有,即使係 Section B 都唔代表一定諗唔掂。

咁即係話,應該用:

巻1 每Section (A1,A2,B) 各用45分鐘做(我唔建議留時間覆巻,咁易自己覆到的,你就冇乜理由最初會錯丫!),做快左就梗係最好啦。

巻2 每15題用25分鐘做

因為都係將時間分3等份,所以比較容易處理。你應該一開考就寫低以下 3個 critical time 落去答題薄封面度,每做完一 part check 下。

巻1  9:15(完成A1),10:00(完成A2)
巻2  11:55(15條完成), 12:20(30條完成)


3)執齊數學文房三寶(間尺、量角器、圓規);一開考就舉手問攞紙

一定要帶齊!用黎係啲唔識做嘅問題度做量度!但唔好直接用試題簿的圖,一定要先 check 其是否 "draw to scale" 先(大部分都不是)。若不 draw to scale,自己另外劃!所以可以的話,一開考就舉手問攞紙!


祝各位考試順利!
經數學人


同學如有任何set時間表的問題或意見可留言或email給我喔!

若果覺得我寫的文章可以幫到你,可以在下方按 "Like" 或 "Share" 出去讓它幫到更多人,謝謝!
  • 若想表示支持,可在下方留過 "Thank You" 呀!

相關資料:

留言

  1. 就第3點有一點小意見,閣下作為一名資深數學科補習老師,實不應以旁門左道方法教導學生。

    回覆刪除
    回覆
    1. 有時候旁門左道更勝一籌,不能墨守成規 要隨機變通 方能百戰百勝,何況數學答案本來是可以很多方法

      刪除
    2. 有時候旁門左道更勝一籌,不能墨守成規 要隨機變通 方能百戰百勝,何況數學答案本來是可以很多方法

      刪除
  2. 多謝你保貴嘅意見,其實都乜嘢旁唔旁門左道嘅,做 MC 最緊要就係快!
    若果你係幾條問題可以慳到時間,咁其他問題就可以多啲時間做囉!

    回覆刪除
  3. thank you;D I really like the reason for not checking the answers twice

    回覆刪除
  4. 我而家中四應點操 AIM5**
    我個底唔錯
    校內通常90分左右

    回覆刪除
    回覆
    1. 依家中四有90分左右好好呀。
      要攞5**一定要做數做得多,做到熟,同埋明,即係唔可以靠死記點做。
      -我就最建議人做多啲MC啦。
      -操數時,唔止做,仲要諗下有冇咩方法可以做快啲。

      刪除
  5. 倒數8日就要考試,先至依家先知道呢個網站,我喺中一有補數學嘅小型補習社,過程中發現唔啱,至中六九月同屋企人商量補習選項,試水咁樣選擇補遵理,但一來補嘅時間短暫,二來經濟緊拙,三來補習地方遠離我居住地方,所以我叫屋企人停咗.....我想問你倒數8日開始考文憑試趕得切追蹤你寫出黎文章?

    回覆刪除
    回覆
    1. 抱歉仲要我電腦壞左, 啱啱先攞番, 先睇到你留言, 得閒8日(依家5日) 梗係唔好轉新野啦, 新既學唔好舊既又唔記得就死火啦。總之, 盡自己努力啦!

      刪除

張貼留言

若想 *收到回覆* 通知,請以 Google 帳號登入,並勾選「通知我」(你依然可選擇 *匿名(唔開名)*) 。

另,Google 偶會審核留言而不能即時顯示,請耐心等候,不用重覆發表。謝謝!

關於作者

Ronald Chik (作者詳情及聯絡, 補習查詢)
教學廿多年,曾在傳統名校伊利沙伯中學、德愛中學任教,學位、副學士、文憑、毅進、中學、日校夜校皆曾任教。現主力湊仔,閒時替人補習,寫網誌,打羽毛球,生活悠遊。

Youtube 頻道