適合給幼童玩的的 Android 遊戲

適合幼兒的遊戲 Game List

• 本篇主要給自己留記錄

• 電子學習 係今日社會都幾必要, 我兒子 4歲便給他使用平版 Tablet
• 前提是要限制時間 (我用家長 app iWawa 限每日半小時), 及選擇好適合的遊戲 (Youtube 亦要開啟「限制模式」, 以過濾不適影片, "Youtube Kids" 則暫只支援歐盟)
• 一般免費遊戲會好多廣告, 我則用 AppsFree 在其 限時免費 時下載定 (你可選類別, 有很多學習英文, 數學的免費 Games)  [使用簡易, 若想我整教學就留言告之我啦]
• 加埋 Google Family Library, 更可分享給親友一起使用
• 之前我把遊戲記錄在 這Spreadsheet, 但 Google 改左版面
• 以下是新加的遊戲及少少介紹: 

1,4 Panda game, 高質做任務

2 大自然相

3 立體, 轉番啱一褔併圖 (6+)

5 都係 Panda, 但係育成

6 得意, 許多物件都可動, 可以拎好多工具

7,8 Logic Game (6+)

9 一筆過

10 純遊戲, 幾益智

 

1 Peppa Pig, 可多人一齊玩呀!!!

2 立體圖填色

3 數字 crossword puzzle, 由淺入深

4,6,7 Panda 做任務

七個替代對孩子說「不」的方法

1. 替代選擇:
「冰淇淋吃多了不好，來點優格吧。」
「電話給媽媽好嗎？你可以拿這個玩具。」

對孩子說「不」的同時，提供其他選擇。
拿小玩具跟孩子交換你的手機，比從他手中搶過手機來得好。

2. 該怎麼做:
「麵條要拿來吃，不要拿來玩。」
「我們動嘴巴，不動手。」

與其告訴孩子「不要」做什麼，不如告訴他們「要」做什麼。

3. 參與其中:
「我來教你怎麼玩吧！」

如果孩子拿玩具亂丟，參與他的遊戲比對他吼「不要」更好。

4. 告知原因
「這樣會痛痛，我們要溫柔。」

當孩子拉扯寵物尾巴或攀折花木時，這句話最好用。

5. 逗孩子笑:
「小心！媽媽要來抓你啦！」

有時候逗孩子一笑，可以讓他更聽話。

6. 何時才做:
「我們回家才脫鞋鞋。」

有時候孩子就是想做某件事，與其叫他不要做，不如告訴他什麼時候才可以做。

7. 緊急要大聲:
「(大聲)燙燙！危險！」

情況緊急的時候，用嚴厲的聲音喊出危險所在，比喊「不要」更有用。太常用「不要」，反而會失去警告效果。

---

推薦給你: 管教細仔三大原則 - 因材施"規", 因錯施"責", 讚好容錯

---

adapted from 親子天下精選文章

疫病早期死亡率的計算方法, 及武漢肺炎於2020年2月中的一些統計資料

文章目的: 嘗試由香港2003年 SARS 數據, 看2020年 新冠肺炎(武漢肺炎)的最終可能死亡率

結論行先: 疫病早期死亡率一定低估 (頭盔: 純以統計數字討論)

---

1. 疫病死亡率的定義

討論事情前, 應先清楚定義:

一個病的死亡率是, 每 100個染該病人士, 最終有多少人會因該病死去。

2. 一般死亡率在疫病初期低估了其殺傷力

正常 死亡率 計算方法為 : 

死亡 ÷ 確診人數    (計法 1)

 但這 必然低估了其致命程度*。
*與疫病最終死亡率比較

因為 確診人數 (分母) 中, 必然有一些將會死亡 (sad but true), 死亡人數 (分子) 因此在任何時間都必然被計少了。要直至整場疫病結束, 所有確診者皆已出院或離世, 此時死亡率才作準。

2.1 以武漢數字例子, 解釋一般死亡率計算的問題

• 舉個例, 今日(2020年2月21日), 武肺統計數字^[1] 如下:

表1: 武漢肺炎2020年2月14日的確診死亡治愈數字

• 死亡率計為: 2239 ÷ 75571 = 2.96%, 

但肯定的是, 54952 確診而未治愈的人當中, 將來必會有些因病離世, 所以 2239 必然低估了全部 75571 確診者中, 因病去世的比率。

3. 2003年 SARS (沙士) 至4月中前死亡率一直低估

跟據網上資料^[2], 我把 2003年 SARS 的疫情記錄制成了試算表。

SARS 的死亡率* 最初亦只是 2 - 3% (3月19日 至 4月13日, 見下表),
但之後慢慢上升, 最終升至 17%！ (7月17日) 
即是大約 每 6 個染病, 最終有 1 個離世！
*使用一般死亡率計法 (計法1), 下圖 Column L (I行 ÷ B行), [完整試算表]

表2 : SARS 2003年早期死亡率為 2-3% 左右,
L行 是一般計算方法 (死亡人數確診人數),
M行 為另一計法, 做法見下段

4. 較準確早期推算死亡率的方法: 分母改用死亡+治癒總人數

於疫情早期, 較適宜使用「死亡+治癒總人數」，作為計算 死亡率的分母：

死亡 ÷ (死亡+治癒總人數)    (計法 2)

因這計法排除了 計法 1* (死亡 ÷ 確診人數) 中, 死亡人數必然會被低估* 的情況。
*計法1 及例子 見本文第2節

例如在 2003年3月30日, 當香港SARS 總出院人數達至 60人時, 計法2 的死亡率(17.8%), 已經大約等於最終的 17% 了。

下圖我把兩種死亡率 (計法1 及 2) 於整個疫情期間作一比較 (互動圖, 滑鼠指向可看數值):

表3: 2003年 香港 SARS 兩種死亡率計算方法比較 (注: 香港最終死亡率為 17%)
(按此直接打開上表)

4.1 表3 圖解

左邊軸: 確診, 死亡, 出院總數;  右邊軸: 死亡率1,2, 出院比率
死亡率 1(計法1)*: 一般計法, 以總確診數作分母 (見試算表 I 行 ÷ B 行) 
死亡率 2(計法2)*: 以死亡及出院總數作分母計算的死亡率 (見試算表  I 行 ÷ (I+K行) )
已出院比率 [累積出院÷(總確診-死亡人數)] (見試算表  K 行 ÷ (B － H行) )
*計法1 及 2 詳情分別見本文第2節及第4節

4.2 表3 解讀及觀察

1. 3月初至4月初, 計法1 的數字一路處於低位 (2-3%), 但於 4月初開始緩緩上升, 一路升至最後 (17%)
2. 計法2 於疫情剛開始時, 由高位 50% 急跌, 至4月初跌至並穩定在14-16%
3. 兩種計法 均於疫病初期, 因樣本(確診)數較少, 所以並不準確
4. 計法1 的不準確, 必然會估低, 因為低估了死亡人數 (見本文第二節)
5. 計法2 的準確度, 必然會隨著樣本數增大而改善
6. 已出院比率 初段及尾段均增幅較慢, 中段則較快

5.武漢肺炎至2020年2月20日的兩種死亡率比較

表4: 2020年 武漢肺炎兩種死亡率計算方法比較
(按此直接打開上表)

5.1 表4 圖解見上一節: (試算表 在此)

2月20日的一些統計資料: 

• 死亡率1 : 3.0%;
• 死亡率2* : 10.9%
• 出院率: 24.2%

*死亡率1,2 的計法見本文第二節及第四節

5.2 表4 解讀及觀察

1. 死亡率1 計算一直只在 2-3%
2. 死亡率2 在樣本足夠大後(1月尾) 開始一直下跌, 在2月20日跌至約 10%, 趨勢似向下
3. 出院率* 在 2月20日 約為 25%, 升勢似在加快
4. 總確診人數升勢亦現減慢趨勢
5. 可能小區管理真的見效? 但春運、復工(2月16日)的爆發尚未反映, 另, 中國數據可靠嗎？

*這裏的出院率分母為總確診人數, 與第4節有輕微不同

參考資料:

[1].实时更新：新冠肺炎疫情最新动态 (中國每日武肺數據)
[2].世 紀 疫 症 － 非 典 型 肺 炎 (2003年 SARS 香港每日死亡出院等詳盡數據)

[3].維基百科(沙士事件) (各國死亡率相關資料)

[4].WHO 數據記錄 (各國死亡率相關資料)




若覺得這篇文章好，"分享" 給朋友吧！或留個 "Thank You" 呀！
想問經濟、數學？按此 到面書發問。對文章有問題請留言，我會盡快答覆。
想第一時間收到最新文章，可訂閱博客更新 / RSS 。

倉頡輸入法自學筆記/資源下載 極速自學輸入原理 (上堂亦可)

本篇在 2022年3月28日更新，全部連結測試正常。

雖然話「識人好過識字」, 但係識人都要識打字！

依家電話大多可以語音輸入, PC 用 Google Doc 亦得, 但是...
語音會認錯, 專門字唔work, 唔方便講野時, 始終有時要 打中文

香港人, 唔識 拼音, 最啱就係 打倉頡 啦。

自學倉頡

千鿋年初, 剛開始流行 SMS (未有智能電話), 一般用 T9筆劃輸入, 輸入好低效率。

我於這時期開始任教中學, 要打中文筆記, 於是「的」起心肝自學倉頡。

我用左一整日時間 (其實唔太難學, 但都要啲時間), 睇左 一本書* 學識的 (中間其實都有啲唔明, 要反覆查書)。要打熟約需要 2-3 個月時間, 打快要將近半年時間。
*係一本明愛既倉頡上堂教學書

倉頡班

有見一些朋友唔識打中文, 於是組班一齊教, 小班教成效快。後來在補習社開辦多數次, 亦有去學校開班。現因湊仔, 已好久未有開班。

這裡上載了 倉頡筆記, 及一些資源連結 (見下方), 給有心人可以自學。

真的想上堂節省時間, 請看本文最後一段。

---

倉頡 FAQ 及 學習資源

Q: 我識簡易(速成)輸入法, 夠啦?
A: 簡易要揀字, 唔同平台選字次序唔同, 搵字可能要啲時間, 倉頡打字起快速成一倍以上

Q: 有冇啲自學既網站?
A: 倉頡之友 ; 本帖下方亦有一些資源, 如字典

字典及字形表

[字典] Follow Me倉頡字典 (含拆字圖, Big5 編碼) [超正!一定要用!]
[字形表] 倉頡字母及輔助字形表

自學App | 圖書

[PC] 倉頡之星2.0（PC 練習軟件）
[手機] 五色學倉頡（Android 及 iPhone App）

[圖書] 舞動倉頡輸入法 (利申：未睇過，但見最多人借)

---

線上練習

以下部分練習的 flash 部分，一般 browser 都已經開唔到。但若你係用 pc / mac 既話，你可以試下 search "flash browser" 去開，我就用呢個。 [我之前都有寫過 Android 點樣睇 flash 片]

一、分類練習

(1)倉頡輸入法網上筆記 

• 各項目皆有練習(一般取碼原則, 精簡原則, 先繁後簡原則, 字形特徵原則, 包含省略原則, 例外字), 正!!!
• 但每拆一個字，就要手動查答案，有點不便。
• 「一般取碼原則」章節開始，每章便都會有練習
• 好齊全，仲有埋教學，不過練習係要你打英文(倉頡位)。

(2)梁Sir倉頡打字練習測試版 

• 不同分類皆有 (看圖), 正! 
• 1. 輔助字型練習 (可選字根類別一組一組去練習)
• 2. 打全字 (亦有細分不同項目，好細心！)
• 真係超超超超正！！！免費黎講真係一流，所有你要學既部分都有齊，適合學到不同程度既同學。

---

(3)倉頡字母與輔助字形練習 [Windows 10 app]

• 都正，但係要安裝，不過佔位唔多，推薦！(包含難字)

---

(4)網上倉頡練習

• 又係各項目皆有練習(一般取碼原則, 精簡原則, 先繁後簡原則, 字形特徵原則, 包含省略原則, 例外字), 正!!!
• 一答完就話你知啱唔啱，測試你的基本知識。
• 亦有綜合練習(MC多項選擇題) 初階篇 | 進階篇 | 應用編，每編約10條。

---

二、打全字練習

(1)五色學倉頡試用版[正! 畫面華麗] (按字根顏色打全字)

• 除打全字之外，還有一種字根可以試打(只有哲理類打十個字)，其他就要課金啦！

五色學倉頡

---

(2)倉頡輸入法練習 [打全字, 如上的 Windows 10 作者, 超正!]

• 五色學倉頡既免費版
• 又係超正，但要安裝，都係佔位唔多。

---

(3)打全字練習 (一般, 但勝在夠多)

• 遇字唔識打，可以一按顯示全部倉頡碼答案。

---

(4)手位練習(英文) RapidTyping 5.0.25.11 Beta 免安裝中文版 - 免費英打字練習軟體

• 注意，係英文手位！識擺手位，打得快英文，先打得快中文！
• 我未試過，不過其實學打英文仲有好多網站可以學 (好似 Typing.com typingclub.com) [拙文 有用連結有多一些其他打字網站]

PC/手機輸入法

[Android] Swiftkey (好過 Google Keyboard, 有倉頡自動更正, 連續碼輸入)
[Online] 網上輸入中文（倉頡、速成、廣東話、筆劃及英文輸入） [Google 及 GDoc 都可以]

---

四小時保証學識倉頡班

適合人士: 學極唔識, 想有人帶住學, 懶唔想自己用腦研究 

課堂等色: 練習多 實踐中學習 例子生動 解釋清楚

教程範圍包括: 倉頡拆字, 不同部首, 組字規則, 完成4小時課堂即時可自行拆字

導師: 植Sir (HKU 統計 經濟, CU教育文憑, 教學補習 20年+)

時間: 暑假、聖誔、復活節期間的一天
（一般星期日, 儲夠學生開班, 或可學員自組班夾時間, 3人或以上開班）

學費: $400

留位查詢: 請 PM 我 或 Whatsapp 我:
https://wa.me/85298042351

(注: 開班時間視乎報名人數, 可能要等一段時間, 想快開班請自行組班)



若覺得這篇文章好，"分享" 給朋友吧！或留個 "Thank You" 呀！
想問經濟、數學？按此 到面書發問。對文章有問題請留言，我會盡快答覆。
想第一時間收到最新文章，可訂閱博客更新 / RSS 。

[數學練習][中一,小六] 百分數, 分數互化強化練習(約簡 記得常見分數 百分數)

百分率, 分數互化 這課題是許多高小學生(小六) 的難題 (惡夢)。特別是數學較弱的同學, 他們通常靠死記做數, 沒有技巧, 遇上變化較多的分數互化, 很多時都只懂用獨沽一味直式去除, 若同時除數又未做熟, 咁就出大問題嘞.

最近又有數個學生有這問題, 所以整理左一些對應練習給他們:

(17張圖片 | 亦可 下載 pdf)

要求: 1) 不計出原數(i.e, 100%) 前提下嘗試計出答案,
    2) 不用計數機(可用算草)  ; 
    3) 盡量試諗最快捷方法
目的: 強化乘除/倍數/心算/分數概念

以第一張圖作例子, 可以試用倍大/縮小 (或比率原理)方法計出答案, 舉例:

1) 25% 為 17英磅 , 50% 為 25% 的兩倍, 所以為 17 x 2 = 34 英磅。
9) 150 英磅 為 60 英磅的 2.5倍, 10% 的 2.5 倍 (2倍再加 0.5份) 為 25%。

第一張圖答案及貼士如下, 其餘有空再補:

1) £34, £70, £60, £300, £150, 100;   6) £30, 10, 25, £18, 30, 80;
13) 100, £18*, 25*, 5*, 72, 10;   19) 80, £27*, 25*, 33*, 55*, 36*
14) 1/3 is £20, 1/30 is £2, 30% = 33⅓% - 3⅓%;
15) find 10% first;
16) see 4.5 is half of 9; 10% = £9 ;
20) 6⅔ = £12, so 60% = 120 - 12 = 108, 15% =  108 ÷ 4
20) see Q14 method
21) method 1: try simplify 40/128 ;  method 2: 40% = £64 ; 20% = £32
22) see Q21
23) find 10% is ? first
24) find 30% is ? first

部分做法參考:
頁3(右上,右下)  13/16 = 5/16 + 50 = 81¼% ; 5/8 = 5/16 x 2 = 62½%
頁5上行左2, 下行左1的圖: 看對稱性 ; 其他: 計算正方形面積, 或可合併作一長方形 
頁6-7: 與頁3 右上右下同類
頁8右側答案: 1)13/20, 13/20, 13/50, 13/65, 16/20, 16/50, 21/35, 21/60, 31/50, 31/62 ;  2)36/48, 36/75, 63/75, 63/84 ;  3) 79/80 = 98.75%
頁9左下: 先計 6¼% = 5 + 1¼%; 6¼ = 2 x 3⅛ ; (右側)分子非1 的3條, 可照樣分拆: 31¼ = 25 + 6¼ (或者做熟可能會睇到: 6¼ x 5 = 31¼)
頁9右下: 可以 ⅓ 的小數值去解 (5), (8), (9);  (10)可以 25% 去諗

若覺得這篇文章好，"分享" 給朋友吧！或留個 "Thank You" 呀！
想問經濟、數學？按此 到面書發問。對文章有問題請留言，我會盡快答覆。
想第一時間收到最新文章，可訂閱博客更新 / RSS 。

[好書推介][幼兒] 三十六個字 及 香港閱讀城

自從小兒兩歲後，我便經常讓他接觸繪本，包括找到滿兩歳便可借圖書的 小童群益會圖書館，及帶他到公共圖書館參與聽繪本故事的活動。  (詳見此篇: [親子活動] 公共圖書館 兒童故事時間 Bookflix(動畫書) 及其他適合小朋友活動及資訊)

若繪本同時有多媒體內容(如影片 或 歌曲)，必然會加強幼兒的興趣。

最近就無意中搵到呢本 《三十六個字》，內容大致以三十六個簡單的象形字去，組成一個有趣的故事，以提高幼兒對文字的興趣：

在很久很久以前，我們的祖先，依照事物的樣子創造了漢字，
所以最早的漢字都是象形字。

這是中國唯一的象形字繪本，由動畫片《三十六個字》導演編繪，
三十六個特別的字，組成了三十六幅特別的畫，
講述一個漁夫與動物的奇妙歷險故事。

每張圖都代表一個字，翻開故事試試，看你能認出多少字？

網上搜尋「三十六個字」可重溫作者阿達導演的動畫片 (傳送門)

以上是香港閱讀城對其的簡介。 (並有試閱)

香港閱讀城 同時亦有介紹其他適合 幼兒，以至 青少年閱讀的好書，大多數都可以在公共圖書館借閱得到。

其實之前亦有找到一些包含多媒體的好書，於稍後有空陸續於此再作介紹吧。


若覺得這篇文章好，"分享" 給朋友吧！或留個 "Thank You" 呀！
想問經濟、數學？按此 到面書發問。對文章有問題請留言，我會盡快答覆。
想第一時間收到最新文章，可訂閱博客更新 / RSS 。

[幼數K2K3] 分享幾個數學遊戲: 新包剪揼 啤牌數字火車 點筷子 (訓練排大小, 簡單加減數, 估計對手)

數學同語文一樣, 由細多接觸好重要, 我同呀仔經常會係生活中計數, 好似分提子呀, 排隊呀, 睇鐘呀咁。啱啱我仔幼稚園搵家長帶活動, 我就整理左啲數學遊戲, 在此分享給大家。

遊戲0-熱身 (5褔臨門) [全體, 無需道具]

i) 大人叫 “2" (或舉 2 手指, 或指去數字 ”2” 或含數字意思圖案 (譬如時鐘既數字),
ii) 同學在坐位舉起 3 隻手指 (唔出聲), 使其加總為 5 ;
iii) 玩多幾個數, 最後叫 5, 睇下幾多人舉拳頭, 問其原因.

示範「拼 5」的分割 (1,4; 2,3, etc) [道具:雞蛋盒]

大人用 5 乒乓球, 試下拼 5 的不同分割 (1,4; 2,3, 5,0, etc)
(道具: 一橫可排 5個的展示長膠盒, 例如雞蛋盒)

遊戲1- 點筷子(Chop-sticks) [無需道具, 2-4人]

訓練基礎加數

呢個遊戲係小學界極多人玩, 幼稚園都可以玩, 不過最好先玩熟基礎版本先

[基礎版本] 

i) 每人兩手各伸出 1隻食指 (狀似筷子), 輪流以手指掂另一人的手 [或自己的手 (變化1)],

ii)「被點手」要多伸出「點人手」的手指數 (如上圖);
iii) 例如: 以 2 指 點向 1 指, 則被點方要開多 2隻手指 (即共開 3隻手指);
iv) 當一手伸出等於或多於 5 隻手指, 則該手爆炸, 需收在背後 [變化2 可以重分];
v) 誰留至最後尚有手者勝.

玩至熟練時，可加入以下規則，使遊戲更豐富：

[變化1] 「分手」

   在你回合時, 你可自己的兩手互掂，將兩手的手指數重分配 (如 1,3 >>> 2,2)
   [注: 每手最少要有剩 1 隻手指]

[變化2] 「復活」 (先決條件:「分手」)

   已爆的手都可做 分手, 使其復活

[變化3] 「正爆」

   手指數剛好 5 才會爆;
   若多於 5, 則淨番多出的手指數 
   例: 以 2指 點向 4指, 加總為 6, 則被點方要開番 1隻手指 (6 - 5 = 1); 

玩時可自訂要加邊種變化

遊戲2-「包剪揼揼揼」 (Low-Sham-Bow) [無需道具, 3-10人]

訓練去預測其他人的行為

我同佢地玩時, 我話呢個係勁過包剪揼既遊戲 🤣🤣🤣

[基礎版本] 

i) 每人出一隻手, 伸出 1 至 5 隻手指 (1,2,3,4,5)  [版本2 可出 0];
ii) 一邊出一邊叫口令「一  ...  至 ...  五 ... 」 (所以呢個遊戲亦叫「一至五」)
iii) 出最細數值, 而冇重覆者勝 (如下圖 5 贏);
iv) 如無勝負則重出, 直至分勝負

***注: 2人不能玩

v) 若 6人 分別出 1-1-1-2-2-5, 都係 5 贏

vi) 可以分組玩, 計分, (叫玩家自己用另一隻手做記錄);
vii) 可再搵小組勝方再玩, 再問心得 

[變化1] 「加零」 

   可以出理 0 [即 0-5]  (口令改為「零  ...  至 ...  五 ... 」)

[變化2] 「鬥大」 

  可以改為最大者勝  (口令改為「五  ...  至 ...  零 ... 」)

遊戲3-數字火車 (Number Train) [道具:啤牌, 1-6人]: 

訓練評估數值大小

[基礎版本] 

i) 先將冇用既牌 (公仔牌)反轉作車卡 (如圖), 每人 3 節 (可加至 4 節 或 5 節); 

ii) 多餘公仔卡放一邊; 

iii) 輪流抽數字牌, 再放入其中一空車卡 (放好後不能轉位), 

iv) 最快由左至右, 由細至大排好者勝 (可相同, 即 2-2-7 亦當完成); 

v) 若新抽卡沒法放置, 則:A)放回卡堆中, 或 B)以新卡替換任一原卡(位置不變), 並把舊卡放回卡堆中; 

[變化1] 「加節數至 4 或 5 節」

[變化2] 「不可相同」

   可訂規則為順序排時數字不能相同, 即不接受 2-2-7

參考網站:
How to Play Chopsticks (點筷子)
Low-Sham-Bow (包剪揼揼揼)
Math Games Number Train (數字火車)


若覺得這篇文章好，"分享" 給朋友吧！或留個 "Thank You" 呀！
想問經濟、數學？可 按此 到我的面書發問。
想第一時間收到最新文章，可訂閱博客更新&nbsp/ RSS 。

面書發帖自動發至 Twitter (Facebook Post Auto Repost to Twitter)

而家乜都自動化,  其實出 Facebook 可以同時出埋 Twitter???

Twitter 是外地常用的社交平台, 如果你有 Post 想比香港人, 又同時想比外國人知, 有乜嘢好得過一出 Facebook post, 同時自動出埋去 Twitter 呢?

4步驟 Facebook Repost to Twitter (Facebook 官方 App)

Step 1) 按以下連結:

https://www.facebook.com/twitter

Step 2) 按「綠色按鈕」，連結你的個人檔案至 Twitter, 

• 未有都可以即時開番一個 Twitter account

Step 3) 授權比 Facebook 去轉貼你的面書貼文至 Twitter

Step 4) 選啱你要自動發貼的類型, 按下確定便可以。

注意: 只有你設定為公開的貼，才會自動轉發至你的 Twitter 

若覺得這篇文章好，"分享" 給朋友吧！或留個 "Thank You" 呀！
想問經濟、數學？按此 到面書發問。對文章有問題請留言，我會盡快答覆。
想第一時間收到最新文章，可訂閱博客更新 / RSS 。

[Blogger Tips] How to Add Blogger Anchor Bookmark and Hyperlink to Same Page Successfully (Solved)

I have been a blogger writer since 2008.  I write this article because I have been searching for intra-page anchor method for a long time.

If you want to GO DIRECTLY to solution, click HERE.

Blogger Will Mess Up Anchor Link With "Compose Tab"

The problem of blogger interface is:

When you add a anchor using textbook method:

• Anchor:  <a name="ThisIsAnchor">This Is Anchor Target</a> ,  &
• Link to Anchor:  <a href="#ThisIsAnchor">This Is Link to It</a>

(see HERE for detail HTML method)

In normal situation (other than blogger), it will jump to the anchor place without reloading page.

But in blogger, if you switch to "Compose Tab" after having added such anchor(s), ALL the Link to Anchor  will be messed up, with your blogger ID added before the anchor, like this:

<a href="https://www.blogger.com/blogger.g?blogID=48019486#ThisIsAnchor">

(see HERE for detail problem description in stackoverflow)

Previous Solution to Blogger Messed Internal Anchor Links

Previously, I have found a solution already but the page need to reload.

The (not-so-good) solution is to add the full-url before the anchor:
<a href="YOUR-FULL-BLOG-URL#ThisIsAnchor">This Is Link to It</a>

like this:

<a href="https://ronaldchik.blogspot.com/2019/02/useful-links.html#learn">This Is Link to It</a>

But it needs to reload the whole page!!!

Real Solution to Blogger Internal Messed Anchor Links

I just found a complete solution online HERE, by adding one more code, after the Link to Anchor, :

rel="no-refresh" 

example:

<a href="https://ronaldchik.blogspot.com/2019/02/useful-links.html#learn" rel="no-refresh">This Is Link to It</a>

then it would go to anchor without reloading the page.

Hope the above could help you.




若覺得這篇文章好，"分享" 給朋友吧！或留個 "Thank You" 呀！
想問經濟、數學？可 按此 到我的面書發問。
想第一時間收到最新文章，可訂閱博客更新&amp;nbsp/ RSS 。

2019 DSE Econ Paper 1 MC (Part 1 Q1-20) Answer with Explanation

今年太忙仲未做好成份... 等我努力


CACDD  DABBD  
ABBAB  CBDCC

*解釋見附注
#我覺得有爭議
^圖/表待加
*skl 5* 技巧
*** 較深

如有錯誤請告知

1. C ; Right to use 肯定冇影响, 因可以照住

2. A ; 紅館同會展都唔近對外交通樞紐 (如機場亞洲博覽館), 雖然容納既人係多左, 但都係同樣客源 (香港人, 鐘意打機, etc), 只要入場費不變, For whom 都不變。
[之前我揀 D ; 會展可能太細, 外國人好多可能買唔到飛所以唔黎到 (題目講既), 搬去紅館就會多左外國人, 所以都關 For whom 事]

3. C ; 佢有兩個選項, 甲)自用, 要先比$5000, 乙)賣出, 可收回$2000; 若選「自用」, 則同時要付出$5000 及 放棄了賣出能收到的$2000, 所以共犠牲了$7000  [成本 = explicit (外顯) + Implicit (隱含)]

4. D ; MC 升, Q 跌 (Q -> Q' , 部分物品 邊際利潤 變負, 所以減產 (見附圖) [固定成本變, 不影響邊際利潤] ; TR總收入(⬇) - TC總開支(⬇) = 利潤 (?)  (視乎 TR 與 TC 那個跌較多)
(詳細看下圖)

若 TFC 減少的面積 (實數 200, 但面積不明) > 梯形 AEBC, 則 利潤上升 [TC 跌較多]; (注意上式 Profit = TR - TC 中 代入的為下跌了多少)  反之則利潤跌

5. D ; 見 Capital 及 Labour 皆升, 即為 Long Run (長期), 所以 A 錯 (報酬遞減為短期定律) ; Capital & Labour 兩者皆可增 (2,3,4,5), 所以固定成本為 $0; C,D 要看 AC : (2C2L)$10/unit, (3C3L)$9/unit, (4C4L)$8/unit, (5C5L)$7/unit; 平均成本一直跌, 所以答案為 D。

6.# D ; 讀多啲書(提高知識) 能提高生產力, 另, 咁容許市民學其他野之後去轉行。
[#: 其實我覺得都可能會增加勞力供應, 因為有啲太太(C9)本來乜都唔識或知識技能過時, 本來唔會去搵野做(不在勞動人口中), 但學左飛髮美容之類之後, 就出黎搵食(深水埗等舊區多左好多 C9飛髮舖)]

7. A ; 取消上市地位依然係私人公司, 稅率不變。

8. B ; 要小心佢話 Capital (資本) 而非 Fixed capital (固定資本), 所以應包含所有 man-made resources (人造資源)。(4) 都係, 提供借貨都係一種生產。

9. B ; 肯定(穩陣啲, 或者優先比自己啲容) 到有酒店比容住, 唔洗靠人地。

10. D ; 先計出TC：3-7 件 分別為：30, 60, 100, 150, 210；再計出 MC：第 3-7 件分別為：-, 30, 40, 50, 60 (第3件的 MC 因沒有 2件時的 TC 所以不能計算)。最適生產量時 MC = MR (= P), 所以 P = $50

11. A ; 因登革熱, 防蚊器需求升 ==> (供需圖) 均衡點沿 供給線 向右上方移; 所以是供給彈性。供給量變化% > 價格變化% ==> 高彈性

12. B ; 「加洲橙定律」話如果貴嘢平野加同金額, 貴嘢會相對變平(所以貴嘢會相對賣多左); 日本貴平比例是 1:4 (1/4), 根據「加洲橙定律」，香港貴嘢應要再高啲比例。

13. B ; 政府補貼生產所以供給增, 補貼使用(訓練)所以需求亦增

14. A ; 原均衡價為 $11, Qd = Qs = 600; 新均衡價為 $13, Qd = Qs = 400; 關稅 $3

1. 啱 : ($13 - 3) X 400 = $4000
2. 啱 : 關稅 $3, 新價(比舊價) 升了$2 (13-11), 即 $3 關稅中較多由消費者承擔, 這表示需求較無彈性
3. 錯 : 計需求彈性*: [(600-400)/500] / [(13-11)/12] = 2.4  ==> 高彈性   (*分母攞新舊平均值)

15. B ; A錯, 因為第一公立醫院, 人工不能隨意變, 第二若高彈性即容易有替代品, 咁邊會出高人工留人呢?  C錯, 應該不受影响, 或者增加; 增加是因為替代品的品質 (GHK) 提高了, 公立醫療服務的用家較易傾向轉用 GHK; D錯, 因人手少了, 等候時間應會變長

16. C ; 原本係 $14，因為有效配額 使交易量 為 200 件，因此按需求曲線價格升至 $14 (量少價升)。增至 350 件變為無效配額，所以市價轉回 $12 (均衡價格)。

17 *skl/***. B ; A 向 B 移表示需求曲線向左移;  A錯, 因為長保養期使商品變較吸引, 需求應增加。  // B啱, 因為補貼是免去部分汽車首次登記費, 而這筆錢是買家付的, 所以影响的是需求曲線, 現買家買電動車實質要多付開支(計埋首次登記費), 所以減少其購買意欲。  // C錯, 因為汽油車同電動車為替代品; 汽油價升則人們減少用汽油車, 對電動車需求應會上升。   // D錯, 因為這首先會影響供應, 因為成本跌, 供給升; 另長期亦可增加需求, 因多左充電位, 方便左, 產品質量提高, 需求升。
[*skl: 睇供需圖均衡點轉變絶大多數原因均為供/求改變, 所以本條中第一時間先睇出是需求跌, 再睇選項就清晰好多]
[*** B 其實好易混淆, 因為移除補貼後, 客觀上買電動車總開支一定是提升了, 但 A 向 B 移 卻顯示價格減低, 好像不對。但我們要分清, 題目中講的, 汽車首次登記費是由買方負責繳交的 (與很多其他銷售稅如香煙由賣方繳交所不同), 所以取消補貼影响的是需求曲線而不是供給曲線]

18. D ; (1)啱, 若它定價高於市場價格(其他人的定價), 即使只高一點, 需求量都會變 0 (因其需求曲線是一水平線, 高了便沒有相應的需求量), 例如, 一列汽水機賣緊一模一樣的汽水, 若某一部的定價稍高, 人們便一件都不會買它, 因為一樣的嘛, 為何要多付呢? // (3)啱, 因為在完全競爭市場, P = MR, 多賣一件的收入等於價格

19*skl. C ; Lorenz Curve 向 45 度線移近, 即貧富差距變小 (財富變得較平均) [*技巧]  //  只有 C 是增加稅收的累進性, 減低貧富差距。
[*skl: 先記得兩個 special cases, 一條 45 度 線是完全平均, 因為每 10% 的人便擁有 10% 的財富, 90% 的人擁有 90% 的財富;  相反, 一條直角形的 Lorenz curve (先平後直) 是由 1 個人擁有全部財富, 因為 99.9% 的人財富為 0, 最後 0.1% 的人擁有 100% 的財富]

20. C ; (1)錯, 因為全日制學生升, 勞力應會跌。

若覺得這篇文章好，"分享" 給朋友吧！或留個 "Thank You" 呀！
想問經濟、數學？按此 到面書發問。對文章有問題請留言，我會盡快答覆。
想第一時間收到最新文章，可訂閱博客更新 / RSS 。

CE Math MC 技巧 (1991/II/Q39) 用「念力」3秒計出答案

CE Math (1991/II/Q39)

If (x −2)(x −3) = (a −2)(a −3), solve for x.
A.   x= 0 or 5        B.   x= 2 or 3         C.   x= a or 2        D.   x= a or 3         E.   x= a or 5 − a

---

今次講呢條係咪好似好易？但做落呢？係咪又好難呢？

你如果拆開哂佢，你梗計度「x = a」呢個答案架，因為左邊每個coefficient(系數)全等於右邊的coefficients。只要識些少做 Algebra (代數) 概念，你都搵到「x = a」呢個答案。

[最強方法步驟如下]  

[若只想知道最快方法可只看藍色字]

[步驟1](第1秒) 比較左右式(完全相同) 得知其一答案為 a

首先，透過對比方程的 左邊 (L.H.S) 和 右邊 (R.H.S.)，好明顯可以看得出 a 是其中一解，因為佢地根本只係個未知數由 x 轉左做 a。

要懂這樣做，其實你已經清楚明白 何為解方程 (Solve equation)：就是 x 究竟可以放什麼數進去，使方程成立。

[證明：代 x = a，
            L.H.S.
            = (x −2)(x −3)
            = (a −2)(a −3)       (x = a)
            =  R.H.S.]

---

但跟住點呢？仲要搵埋另一個答案喎。

---

[步驟2](第2秒) 知道「x = a」後，剩下3個可能答案：

C.   x= a or 2       D.   x= a or 3       E.   x= a or 5 − a

---

要解答，其實有3種諗法：

---

1. ( > 20 秒) C,D,E 逐個答案試 (Level 1)

[詳細步驟如下]

代 x =  5 − a (答案E)，
L.H.S.
= (x −2)(x −3)
= (5 − a − 2)(5 − a −3)       (x =  5 − a)
= (3 − a)(2 − a)
= [−(a − 3)][-(a − 2)]
= (a −2)(a −3)
= R.H.S.      [可能亦需要試埋答案 C 同 D]

2. (3 - 4 秒) 代數搭代數 (Level 2)

題目中總共有2個變數Variable(未知數)：x 和 a。一旦 a 的數值改變，x 的數值亦會隨之而改變。因此，x 的第一個解既然是 a，x 的另一個解亦絕不會是實數(數值)。所以 C 和 D 都是錯誤的答案。

3. (1 秒，最高境界) 排除對稱答案 (Level 3)

在 C 和 D 兩個答案中，分別出現了 C) x = 2 和 D) x = 3。

睇番問題 L.H.S. = (x −2)(x −3)
我會話呢條問題有一個「對稱性」，
即係話 C) x = 2 啱的話，D) x = 3 點會唔啱呢？ (反之亦然)
因為唔可以兩個答案都啱)，因此可以排除這兩個選項。

所以 C 同 D 唔會係答案。

所以正確的答案是：    E)   x= a  or  5 − a

所以做數叻一定要識用腦，唔好淨係識機械化地做。

做數就係要通過諗多幾個唔同方法去做，咁，你先可以「升呢」。

好多公開試 MC 題可以比你多角度咁諗，你肯諗，或者去學下人地點諗，你就可以提升到你既小宇宙。攞 5** 既就係呢啲人，當然你若果已經係升中六啦，但數學依然不甚了了，咁當然唔好追求 5** 啦 (即係等於你唔係名人有錢人就唔好溝女明星啦，唔係？結果會點？咩焦頭爛額囉)。

若覺得這篇文章好，"分享" 給朋友吧！或留個 "Thank You" 呀！
想問經濟、數學？按此 到面書發問。對文章有問題請留言，我會盡快答覆。
想第一時間收到最新文章，可訂閱博客更新 / RSS 。

[港台節目] 親子理財基本法 (共 5 集)

理財，應該從小教起，《香港電台》係 2019 年 1 月底，有個電台節目 叫《親子理財基本法》  (已完結, 但可重聽, 連結看下方)，搵左個親子理財專家 - 李錦 (其實我唔識佢...)，講左 5 集，大致我記得幾點：

• 要比零用錢，細細個都可以比
• 延後滿足，等佢知要付出先才可得到
• 學懂儲錢，同時要有目標去洗錢
• (係記得咁上下啦~)

就係知道記性唔好，所以放番個 link 係度，方便自己，方便人：

《親子理財基本法》(Ep1): 錢從何來

教子女學習理財，零用錢原來是最好的教材。過年時，子女獲得的利是錢又應如何處理？

《親子理財基本法》(Ep2): 三代關係

為人父母應為子女做定理財安排？還是身體力行教導他們正確理財觀念？兩代之間的溝通，再加多一代祖父母，會否令「親子理財」關係變得更複雜？

《親子理財基本法》(Ep3): 幼兒學分享

幼兒發展黃金期由兩歲開始，3-5歳讀幼稚園，可以如何教他們不要浪費、應買才買及與人分享的概念？

《親子理財基本法》(Ep4): 小學生宜學延遲滿足

6-7歲入讀小學，子女除了透過零用錢學習儲蕃外，更重要是要認識延遲滿足的重要性。

《親子理財基本法》(Ep5): 高中生要應使得使

高中生的理財注意要點





若覺得這篇文章好，"分享" 給朋友吧！或留個 "Thank You" 呀！
想問經濟、數學？按此 到面書發問。對文章有問題請留言，我會盡快答覆。
想第一時間收到最新文章，可訂閱博客更新 / RSS 。