精選文章

2012-2017 HKDSE Math 歷屆數學不同級別(Grade)所需分數 cut off 及其分析

本文目的:
坊間 cut-off 出處係邊?準嗎?啲 cut-off 原貎(原始數據)係點?真實 cut-off 係幾多?啲 cut-off 數據,有否反映出其他資訊(如考卷深淺變化)? 本文希望能為此提供答案。(如有問題請留言
(一) 坊間 Cut-off 來源:某大討論區 網上所有 Cutoff 資料,其實全出自某學生討論區,佢地每年都收集分數 (覆卷考生無私交出 check 卷結果),再整理 得出大約既 Grading 分數*,使莘莘學子得益。
(*係大約咋,下文會講點解係大約,同應該點用呢啲數據)

(點解考試局唔公開呢啲資料呢?好多外國公開試都有咁做。)
(唔唔,應該係,除非唔係。)

圖片說故事:大家樂 太刻薄 紙巾都慳

剛才在大家樂吃了個下午茶,居然在托盤上沒有給予紙巾!正想開口之際,環看一下,發現在外賣自助架上正正就放有一包家庭裝的潔柔紙巾(見圖)。大家樂真的是要「太刻薄」?連一個幾亳的紙巾都慳?


諗深一層,又唔係喎!佢咁做都係為左達至經濟學上的效率啫。

大家樂佢咁做其實代表左兩樣事實:
  1. 啲顧客唔多重視佢以前所提供既紙餐巾(你有幾可用盡佢張大大張既紙餐巾丫),
  2. 所以顧客們會寧可要平啲既價錢(因成本可以減低),而願意接受用啲質數較低的庭裝的潔柔紙巾。(我梗係想佢鐵板餐用和牛添啦,但成本就唔同啦嘛!)


市場價格機制其實真的非常有效率,經濟學中說明它會把資源帶領到使用在最高價值的地方上。即是大家樂就係咁將佢原本用係紙餐巾既資源,轉而用左係其他顧客認為更加有價值既地方度啦。
 
當一家算係市場既領導既公司,要做到咁盡既時候,相信市場既營商環境(最低工資、食材通脹等)都應該會係相當之惡劣下。我諗,好快餐飲市場會淘汰掉一些未能控制成本既公司。



留言

Youtube 頻道