精選文章

2012-2017 HKDSE Math 歷屆數學不同級別(Grade)所需分數 cut off 及其分析

本文目的:
坊間 cut-off 出處係邊?準嗎?啲 cut-off 原貎(原始數據)係點?真實 cut-off 係幾多?啲 cut-off 數據,有否反映出其他資訊(如考卷深淺變化)? 本文希望能為此提供答案。(如有問題請留言
(一) 坊間 Cut-off 來源:某大討論區 網上所有 Cutoff 資料,其實全出自某學生討論區,佢地每年都收集分數 (覆卷考生無私交出 check 卷結果),再整理 得出大約既 Grading 分數*,使莘莘學子得益。
(*係大約咋,下文會講點解係大約,同應該點用呢啲數據)

(點解考試局唔公開呢啲資料呢?好多外國公開試都有咁做。)
(唔唔,應該係,除非唔係。)

那些年,我們結婚只在酒樓食餐飯... (結婚點解愈來愈大攪)



啱啱過左全世紀最多人做老襯既一日2011年11月11日,當日香港有成千多對新人結婚。回想以前(七十年代左右)啲人結婚主打都只係酒樓食飯,依家啲人結婚愈撹愈大,其實有冇咩原因呢?


有架,所有野既發生都會有原因,只係你揾唔揾到。

簡單黎講經濟原因係,一生人一次,唔做大啲
會覺得自己對唔住自己(同比老婆「哦」一世),所以機會成本會好高。(以前啲女人冇咁惡)


再者,這一代人比較富有,所以可以把一生人一次的婚禮做得盛大一點(最多借錢攪!借錢比從前容易多嘛! 係咪成日都有人打黎問你要唔要借錢丫?)

另外我覺得示範效應才是 最最最主要的原因。什麼是示範效應? 你細個時你阿媽要你讀書時有冇試過同你講,「你睇阿家明讀書幾自動自覺,唔駛佢阿媽出動大殺傷力武器都會一日温書十個鍾,仲年年考第一,又會做家務...」就係要你睇到人地點做然後學人囉!

我地呢一代人係資訊最完整流通的一代,facebook,msn(仲有冇人用?),QQ,whatsapp,sms,twister,人人有手機,隨時互通消息。仲有,依家要取得資訊是前所未有的容易,睇電視電影,上網,睇劇,雜誌報紙(每日免費報紙有成56份) ,等等等等,仲成日都報啲名人點樣點樣結婚...

所以你既友人(既友人)結婚點大攪,咩坐住吊櫈响天出場呀、請左杜德偉係戲院做表演嘉賓呀、咩請左馬英九,通通都會2秒就傳至非洲剛果某蠻荒獵頭族土人既祭司手上,因為佢就係楂住依家香港人仲努力搶緊既 iPhone 4S!! 

所以你如果結婚唔攪番咁上下大型點得?


我朋友都想係呢方面貢獻一下,佢自己一個女生剛剛在尖沙咀開了一家 makeup shop。一位靚女做化妝,主要做新娘化妝。我淨係睇佢咁靚女就知技術掂啦,可惜結左婚先識佢,太早結婚機會成本都真係好大...


以下係佢既 facebook link (或者在右側-好友連結):

https://www.facebook.com/hazeliumakeup/ (已失連)

留言

張貼留言

若想 *收到回覆* 通知,請以 Google帳號登入,並在「通知我」空格打勾。

另外,有時 Google會判斷留言需要審核,而不能即時顯示,請耐心等候,不需要重覆發表。謝謝!

Youtube 頻道