[經濟題][答案] 燒掉10萬 (真正燒銀紙!!!!!)，對GDP的影響是。。。。

上文提及，一名大陸男子，燒掉十萬元，當然是欲哭無淚了（所以發哥燒銀紙，都要戴副黑超，唔比人睇到眼中有淚），但對國家經濟(本地生產總值GDP) (關於GDP的文章) 的影響究竟怎樣呢？

下跌、不變、上升，還是不能確定呢？

其實，這樣顯淺的問題又怎會難得到聰明的你呢？
 

我的答案是 － 幾個答案都啱：

• 不變（即時），因為沒有涉及產品或服務的生產。（最正路）
• 增加（即時），可以話將錢當作實際物品用左，好似上圖咁，服務產生左。 （最土豪！）
• 減少（短期，正規總供求經濟理論 AS-AD解釋），貨幣供應減少，利率上升，投資及消費開支減少，AD減少，均衡GDP減少。（最正規）
  (想知清楚ASAD的現實情況可看：以AS AD 解釋香港的滯脹風險)
  [另一解釋(財富效應)：市民總資產減少 (試想若每個市民都唔見資產，會點？唔係冇可能架？08金融海嘯市民MPF資產就係咁！)，銀包唔見錢，之後梗係洗少啲買少啲野啦]

經濟既野，其實有時可以有唔同觀點。
所以考試局啲MC問題，成日都只可以問，邊個選項最可能／最冇可能？（仲有股評人都一樣咩都解得掂呢！！）

大家又有冇其他觀點補充呢？

相關概念：

National Income Determination and Price Level 國民收入決定及價格水平 GDP

Money and Banking 貨幣與銀行Money 貨幣，Monetary Policy 貨幣政策

[經濟題] 燒掉10萬，對GDP的影響是。。。。

 

湖南一名姓王男子，早前向親友借10萬元人民幣現金，準備過年後出糧給員工，並和妻子商議藏在日常甚少使用的廚房灶台裡。詎料王妻日前在灶台開火煲水，其後才猛然記起內藏金錢，慌忙熄火，但為時已晚，大部分鈔票已被燒成灰燼(圖)，血本無歸。


＝＝＝＝＝
[DSE經濟題] 燒掉 10 萬，對 GDP 的影響是。。。。
A 下跌
B 不變
C 上升
D 不能確定
＝＝＝＝＝

答案在此

[答客問] 紙幣撕爛當分割，政府起基建算 G 定 I，股票/債券點解唔計 GDP

1) 紙幣算唔算可分割？

• 算，分割指可分為較細既「可交易」面額貨幣。你撕開張二十蚊，梗唔當分割啦。

2) 政府比錢起基建,算 G 定係 I？

• I，GDP 國際計算方法成日轉。所以可能 09 年果時係 G 冇錯，但依家係 I。簡而言之，逢會使一國之資本 (Capital) 增加便屬於 I。

3) 發行股票/債券 計唔計GDP？

• GDP定義簡單講，係該年生產出的產品／服務。
• 何謂產品／服務？係可消費而帶來滿足欲望之物。咁你拎住張債券望住，會否滿足你那一方面的欲望呢？答案是不會，股票/債券是資產，屬財富，只有當你變賣資產為貨幣，再用來買貨品服務，才能滿足欲望。因不能直接使用來滿足欲望，它們不是貨品服務。