小童 7Y 益智學習單 (電玩, 圖書, 視頻, etc) 一些長知識的資源 (持續更新)

小兒 Sunny 剛升二年級，我按他的喜好，預備了一些資源，因方便原因放在本站。看看其他的有緣人會否亦適合。

1. Seterra -  一個認識世界地圖的 online 問答遊戲

一個偶然機會，我在港台看到了節目《鬥快去南美》(bilibili有)，當中每集的競爭很緊張，Sunny 看了很喜歡。加上之後在「東京奧運」又認識了許多國家，所以我便想讓以上的地圖問答網站，讓他再加深世界地理的認識。

Seterra 學習單 (持續更新)

注：有些 quiz 可點紅圈 "Voice" 以聽取語音

家傳戶曉既「成語動畫廊」，適合初小學生既卡通片

小兒剛升上小一，同好多其他新一代香港土生土長小朋友一樣，覺得中文難過英文（港媽重英輕中的結果😝）。

於是決定比我細個時，家傳戶曉既「成語動畫廊」比佢睇。

你知大陸咩（翻版）都有，於是隨便 search 一下，即時搵到。

連結 在此 （要註冊 Youku）。

分為 12 部，每部 15 集，共有 180 個成語：

第1部 01 - 狐假虎威 02 - 塞翁失馬 03 - 掩耳盜鈴 04 - 螳螂捕蟬 05 - 城門失火 06 - 守株待兔 07 - 繞樑三日 08 - 愚公移山 09 - 自相矛盾 10 - 鵲巢鳩佔 11 - 狼狽為奸 12 - 刻舟求劍 13 - 濫竽充數 14 - 按圖索驥 15 - 紙上談兵	第2部 16 - 南柯一夢 17 - 瓜田李下 18 - 葉公好龍 19 - 盲人瞎馬 20 - 金玉其外 21 - 螳臂擋車 22 - 鷸蚌相爭 23 - 圖窮匕現 24 - 合浦珠還 25 - 杯弓蛇影 26 - 熟能生巧 27 - 望梅止渴 28 - 煮豆燃萁 29 - 草木皆兵 30 - 畫龍點睛	第3部 31 - 州官放火 32 - 狼子野心 33 - 坐井觀天 34 - 兩敗俱傷 35 - 囫圇吞棗 36 - 走馬看花 37 - 東施效顰 38 - 乘風破浪 39 - 洛陽紙貴 40 - 前倨後恭 41 - 亡羊補牢 42 - 杞人憂天 43 - 好好先生 44 - 邯鄲學步 45 - 口蜜腹劍
第4部 46 - 樑上君子 47 - 此地無銀 48 - 因勢利導 49 - 山雞舞鏡 50 - 焦頭爛額 51 - 畫蛇添足 52 - 破釜沉舟 53 - 同心同德 54 - 驚弓之鳥 55 - 完璧歸趙 56 - 瞎子摸象 57 - 東窗事發 58 - 朝三暮四 59 - 出奇制勝 60 - 覆水難收	第5部 61 - 再作馮婦 62 - 意氣揚揚 63 - 臥薪嚐膽 64 - 虎口餘生 65 - 千里送鵝毛 66 - 南轅北轍 67 - 雞犬升天 68 - 唇亡齒寒 69 - 一葉障目 70 - 青雲直上 71 - 因噎廢食 72 - 未雨綢繆 73 - 聞雞起舞 74 - 前度劉郎 75 - 信口雌黃	第6部 76 - 比肩繼踵 77 - 因小失大 78 - 老生常談 79 - 撲朔迷離 80 - 指鹿為馬 81 - 黔驢技窮 82 - 明鏡高懸 83 - 請君入甕 84 - 死灰復燃 85 - 半途而廢 86 - 月下老人 87 - 望洋興嘆 88 - 每下愈況 89 - 夜郎自大 90 - 未雨綢繆
第7部 91 - 與狐謀皮 92 - 千萬買鄰 93 - 雞犬不寧 94 - 殺一警百 95 - 滄海桑田 96 - 庸人自擾 97 - 河東獅吼 98 - 藍田生玉 99 - 博士買驢 100 - 乘龍佳婿 101 - 舉案齊眉 102 - 玩物喪志 103 - 奇貨可居 104 - 嗟來之食 105 - 魚目混珠	第8部 106 - 黃梁一夢 107 - 為虎作倀 108 - 每多掣肘 109 - 衣冠禽獸 110 - 白龍魚服 111 - 束縕請火 112 - 跛鱉千里 113 - 五色無主 114 - 歧路亡羊 115 - 管鮑之交 116 - 分道揚鑣 117 - 推己及人 118 - 開天闢地 119 - 門可羅雀 120 - 大義滅親	第9部 121    癡人說夢 122 -  越俎代庖 123 - 赤膊上陣 124 - 改過自新 125 - 三人成虎 126 - 心勞日拙 127 - 家徒四壁 128 - 東食西宿 129 - 金石為開 130 - 奉公守法 131 - 爾虞我詐 132 - 身無長物 133 - 鄭人買履 134 - 懸樑刺股 135 - 暴虎馮河
第10部 136 - 乘人之危 137 - 割席絕交 138 - 千金買骨 139 - 價值連城 140 - 汗流浹背 141 - 兼聽則明 142 - 兵不厭詐 143 - 巧奪天工 144 - 作舍道傍 145 - 買櫝還珠 146 - 冥頑不靈 147 - 苟延殘喘 148 - 各自為政 149 - 推敲推敲 150 - 孺子可教	第11部 151 - 破鏡重圓 152 - 狡兔三窟 153 - 呆若木雞 154 - 綠衣使者 155 - 不名一錢 156 - 點石成金 157 - 先斬後奏 158 - 太公釣魚 159 - 天衣無縫 160 - 對牛彈琴 161 - 老馬識途 162 - 投鼠忌器 163 - 至死不悟 164 - 死裏求生 165 - 狗尾續紹	第12部 166 - 得不償失 167 - 沉魚落雁 168 - 屠龍之技 169 - 見怪不怪 170 - 千金一笑 171 - 非同小可 172 - 上下其手 173 - 梧鼠學技 174 - 遊刃有餘 175 - 傍人門戶 176 - 三令五申 177 - 含沙射影 178 - 精衛填海 179 - 雞鳴狗盜 180 - 各有所能

若覺得這篇文章好，"分享" 給朋友，或留個 "Thank You" 呀！
想問經濟、數學？按此 到面書發問。對文章有問題請留言，我會盡快答覆。
想第一時間收到最新文章，可訂閱博客更新 / RSS 。

[親子(2-15Y)] 四個超正日本靚工作紙資源網站 啟發性數學題、迷宮、數獨等等 再加兩個填色畫網

日本的工作紙好有啟發性, 同好靚, 同英文工作紙網站好唔同, 首先真係精美好多, 另一工作紙多頁放同一檔(方便家長列印), 做多左英文網果啲真係要試下。
(如果你學緊日文, 都好多野啱你)


(★★★最高, 按工作紙數量, 設計, 啟發性評分)
主要列出我覺得啱我仔(5.5Y)的項目, 及比較少見係其他網出現的類型

★★1. 孩子的一步 Kids-Step (キッズステップ)
網站：http://kids-step.com/

圖1: 孩子的一步 Kids-Step 日本工作紙網站 (適合 2-6Y) 

簡介: 適合 2-6Y, 好有特色, 每款工作紙均有不同程度; 但款式不夠下文介紹的 第2, 第3個 網的多, 所以我比佢兩粒星

弱點: 要逐張工作紙下載 (本文介紹的第 4 個工作紙網可一次下載一整套工作紙)

點搵工作紙: 主頁捲低少少有個有圖既列表(圖2)

圖2: 第三行有圖表示, 另外我圈出了一些我有興趣的類別

*我覺得 Kids-step 比較好的工作紙: 組合數(理解加減), 迷宮(處理資訊), 數積木(立體圖), copy幾何連點圖(幾何)

★★★2.快樂紫丁香 HappyLilac (幼児・小学生・中学生の無料知育教材、無料学習)

網址：https://happylilac.net/

圖3: HappyLilac 絶對係頂級工作紙網站, 但英文工作紙就一般, 其他英語網好好多....

簡介: 適合2-15Y, 日本工作紙之中, 最好最多最靚既網站, 種類好多好多, 都好有特色; 每種類有不同程度, 同多種的變化; 例如迷宮, 佢會按難易程度分, 亦有按迷宮主題分(如動物, 食物, 車輛, etc)。但佢既英文工作紙就真係麻麻地, ....

弱點:  要逐張工作紙下載, 英文工作紙質素麻麻, 中學生部分全部日文(本文介紹的第 4 個工作紙網可一次下載一整套工作紙)

點搵工作紙: 主頁有按程度分(圖3), 點入後會再按類別分(有縮圖, 圖4)

圖4: 每個類別有縮圖介紹, 唔識日文都好易搵到想要既工作紙

*好既工作紙實在太多！！！找不同, 迷宮, 填色, 時鐘, 趣味 Puzzle(不同種類), 畫卡通教學, 幾何圖案邏輯推理, etc etc (極之豐富!!!)

特別注意係, 幼童及小學分頁捲至最底有一欄「協作角」(同其他機構合作項目), 入去係啲更高質的工作紙, 記住去 Check埋 (迷宮, Puzzle, etc etc...)！！！

圖5: 「コラボコーナー」 解「協作角」(這裏只列出了一部分)

★★★3. 兒童列印網 Print-Kids (ぷりんときっず: 幼児・小学生の無料プリント)

官方網站：https://print-kids.net/

圖6: print-kids.net 亦可按學年/學科選工作紙

簡介: 3-9Y, 幼稚園至小學三年級, 我覺得與 HappyLilac 一樣係最好既日本工作紙網, 內容按部就班, 設計精美, 分類極之豐富, 雖然最後更新已是2017年, 但運作一切正常

弱點:  要逐張工作紙下載
(本文介紹的下一個工作紙網可一次下載一整套工作紙)

點搵工作紙: 主頁左欄選「見本画像(圖)から探す」, 便可見有縮圖分類

圖7: 工作紙分類全部有縮圖, 日本既工作紙真係好靚

*個人覺得較好既: 數積木, 順序數字填洞, 加減數填窿, 時鐘, 3連加連減, 數格仔, 又係好多好多！！！

★★4. 兒童創作企劃 (創る化プロジェクト - KC Lab Hands-on Project -)

官方網站：http://www.kidsc.jp/tsukuruka/

圖8: 兒童創作企劃網的工作紙不算精美, 但亦有不少其他網所沒有的元素

簡介: 3-12Y, 幼稚園至小學高年級, 有組合好的工作簿(不同類型工作紙集合一檔中)。指示清楚, 內容多變, 分類極之豐富, 最後更新 2011年

弱點:  沒有彩色工作紙, 不夠靚

點搵工作紙: 主頁左欄可按「分類(無縮圖)」或「分年級(有縮圖)」]

圖9: 有組合練習方便家長一整套列印, 亦可按學年分類

5. 免費填色畫 Free Coloring Pages NURIE-YA-SAN

官方網站：http://kids-nurie.com/

圖9: 免費填色畫 

以學齡前幼兒為主，提供各式各樣的著色畫圖檔，主要圍繞日本文化

**只有著色畫, 我覺得唔算靚

6.填色天地 Kids-Nurie (ぬりえランド)

官方網站：http://nurie.main.jp/

圖10: 填色天地

啱細啲既, 3-4歲

**只有著色畫, 我都係覺得唔靚

若覺得這篇文章好，"分享" 給朋友吧！或留個 "Thank You" 呀！
想問經濟、數學？按此 到面書發問。對文章有問題請留言，我會盡快答覆。
想第一時間收到最新文章，可訂閱博客更新 / RSS 。

適合給幼童玩的的 Android 遊戲

適合幼兒的遊戲 Game List

• 本篇主要給自己留記錄

• 電子學習 係今日社會都幾必要, 我兒子 4歲便給他使用平版 Tablet
• 前提是要限制時間 (我用家長 app iWawa 限每日半小時), 及選擇好適合的遊戲 (Youtube 亦要開啟「限制模式」, 以過濾不適影片, "Youtube Kids" 則暫只支援歐盟)
• 一般免費遊戲會好多廣告, 我則用 AppsFree 在其 限時免費 時下載定 (你可選類別, 有很多學習英文, 數學的免費 Games)  [使用簡易, 若想我整教學就留言告之我啦]
• 加埋 Google Family Library, 更可分享給親友一起使用
• 之前我把遊戲記錄在 這Spreadsheet, 但 Google 改左版面
• 以下是新加的遊戲及少少介紹: 

1,4 Panda game, 高質做任務

2 大自然相

3 立體, 轉番啱一褔併圖 (6+)

5 都係 Panda, 但係育成

6 得意, 許多物件都可動, 可以拎好多工具

7,8 Logic Game (6+)

9 一筆過

10 純遊戲, 幾益智

 

1 Peppa Pig, 可多人一齊玩呀!!!

2 立體圖填色

3 數字 crossword puzzle, 由淺入深

4,6,7 Panda 做任務

七個替代對孩子說「不」的方法

1. 替代選擇:
「冰淇淋吃多了不好，來點優格吧。」
「電話給媽媽好嗎？你可以拿這個玩具。」

對孩子說「不」的同時，提供其他選擇。
拿小玩具跟孩子交換你的手機，比從他手中搶過手機來得好。

2. 該怎麼做:
「麵條要拿來吃，不要拿來玩。」
「我們動嘴巴，不動手。」

與其告訴孩子「不要」做什麼，不如告訴他們「要」做什麼。

3. 參與其中:
「我來教你怎麼玩吧！」

如果孩子拿玩具亂丟，參與他的遊戲比對他吼「不要」更好。

4. 告知原因
「這樣會痛痛，我們要溫柔。」

當孩子拉扯寵物尾巴或攀折花木時，這句話最好用。

5. 逗孩子笑:
「小心！媽媽要來抓你啦！」

有時候逗孩子一笑，可以讓他更聽話。

6. 何時才做:
「我們回家才脫鞋鞋。」

有時候孩子就是想做某件事，與其叫他不要做，不如告訴他什麼時候才可以做。

7. 緊急要大聲:
「(大聲)燙燙！危險！」

情況緊急的時候，用嚴厲的聲音喊出危險所在，比喊「不要」更有用。太常用「不要」，反而會失去警告效果。

---

推薦給你: 管教細仔三大原則 - 因材施"規", 因錯施"責", 讚好容錯

---

adapted from 親子天下精選文章

[好書推介][幼兒] 三十六個字 及 香港閱讀城

自從小兒兩歲後，我便經常讓他接觸繪本，包括找到滿兩歳便可借圖書的 小童群益會圖書館，及帶他到公共圖書館參與聽繪本故事的活動。  (詳見此篇: [親子活動] 公共圖書館 兒童故事時間 Bookflix(動畫書) 及其他適合小朋友活動及資訊)

若繪本同時有多媒體內容(如影片 或 歌曲)，必然會加強幼兒的興趣。

最近就無意中搵到呢本 《三十六個字》，內容大致以三十六個簡單的象形字去，組成一個有趣的故事，以提高幼兒對文字的興趣：

在很久很久以前，我們的祖先，依照事物的樣子創造了漢字，
所以最早的漢字都是象形字。

這是中國唯一的象形字繪本，由動畫片《三十六個字》導演編繪，
三十六個特別的字，組成了三十六幅特別的畫，
講述一個漁夫與動物的奇妙歷險故事。

每張圖都代表一個字，翻開故事試試，看你能認出多少字？

網上搜尋「三十六個字」可重溫作者阿達導演的動畫片 (傳送門)

以上是香港閱讀城對其的簡介。 (並有試閱)

香港閱讀城 同時亦有介紹其他適合 幼兒，以至 青少年閱讀的好書，大多數都可以在公共圖書館借閱得到。

其實之前亦有找到一些包含多媒體的好書，於稍後有空陸續於此再作介紹吧。


若覺得這篇文章好，"分享" 給朋友吧！或留個 "Thank You" 呀！
想問經濟、數學？按此 到面書發問。對文章有問題請留言，我會盡快答覆。
想第一時間收到最新文章，可訂閱博客更新 / RSS 。

[幼數K2K3] 分享幾個數學遊戲: 新包剪揼 啤牌數字火車 點筷子 (訓練排大小, 簡單加減數, 估計對手)

數學同語文一樣, 由細多接觸好重要, 我同呀仔經常會係生活中計數, 好似分提子呀, 排隊呀, 睇鐘呀咁。啱啱我仔幼稚園搵家長帶活動, 我就整理左啲數學遊戲, 在此分享給大家。

遊戲0-熱身 (5褔臨門) [全體, 無需道具]

i) 大人叫 “2" (或舉 2 手指, 或指去數字 ”2” 或含數字意思圖案 (譬如時鐘既數字),
ii) 同學在坐位舉起 3 隻手指 (唔出聲), 使其加總為 5 ;
iii) 玩多幾個數, 最後叫 5, 睇下幾多人舉拳頭, 問其原因.

示範「拼 5」的分割 (1,4; 2,3, etc) [道具:雞蛋盒]

大人用 5 乒乓球, 試下拼 5 的不同分割 (1,4; 2,3, 5,0, etc)
(道具: 一橫可排 5個的展示長膠盒, 例如雞蛋盒)

遊戲1- 點筷子(Chop-sticks) [無需道具, 2-4人]

訓練基礎加數

呢個遊戲係小學界極多人玩, 幼稚園都可以玩, 不過最好先玩熟基礎版本先

[基礎版本] 

i) 每人兩手各伸出 1隻食指 (狀似筷子), 輪流以手指掂另一人的手 [或自己的手 (變化1)],

ii)「被點手」要多伸出「點人手」的手指數 (如上圖);
iii) 例如: 以 2 指 點向 1 指, 則被點方要開多 2隻手指 (即共開 3隻手指);
iv) 當一手伸出等於或多於 5 隻手指, 則該手爆炸, 需收在背後 [變化2 可以重分];
v) 誰留至最後尚有手者勝.

玩至熟練時，可加入以下規則，使遊戲更豐富：

[變化1] 「分手」

   在你回合時, 你可自己的兩手互掂，將兩手的手指數重分配 (如 1,3 >>> 2,2)
   [注: 每手最少要有剩 1 隻手指]

[變化2] 「復活」 (先決條件:「分手」)

   已爆的手都可做 分手, 使其復活

[變化3] 「正爆」

   手指數剛好 5 才會爆;
   若多於 5, 則淨番多出的手指數 
   例: 以 2指 點向 4指, 加總為 6, 則被點方要開番 1隻手指 (6 - 5 = 1); 

玩時可自訂要加邊種變化

遊戲2-「包剪揼揼揼」 (Low-Sham-Bow) [無需道具, 3-10人]

訓練去預測其他人的行為

我同佢地玩時, 我話呢個係勁過包剪揼既遊戲 🤣🤣🤣

[基礎版本] 

i) 每人出一隻手, 伸出 1 至 5 隻手指 (1,2,3,4,5)  [版本2 可出 0];
ii) 一邊出一邊叫口令「一  ...  至 ...  五 ... 」 (所以呢個遊戲亦叫「一至五」)
iii) 出最細數值, 而冇重覆者勝 (如下圖 5 贏);
iv) 如無勝負則重出, 直至分勝負

***注: 2人不能玩

v) 若 6人 分別出 1-1-1-2-2-5, 都係 5 贏

vi) 可以分組玩, 計分, (叫玩家自己用另一隻手做記錄);
vii) 可再搵小組勝方再玩, 再問心得 

[變化1] 「加零」 

   可以出理 0 [即 0-5]  (口令改為「零  ...  至 ...  五 ... 」)

[變化2] 「鬥大」 

  可以改為最大者勝  (口令改為「五  ...  至 ...  零 ... 」)

遊戲3-數字火車 (Number Train) [道具:啤牌, 1-6人]: 

訓練評估數值大小

[基礎版本] 

i) 先將冇用既牌 (公仔牌)反轉作車卡 (如圖), 每人 3 節 (可加至 4 節 或 5 節); 

ii) 多餘公仔卡放一邊; 

iii) 輪流抽數字牌, 再放入其中一空車卡 (放好後不能轉位), 

iv) 最快由左至右, 由細至大排好者勝 (可相同, 即 2-2-7 亦當完成); 

v) 若新抽卡沒法放置, 則:A)放回卡堆中, 或 B)以新卡替換任一原卡(位置不變), 並把舊卡放回卡堆中; 

[變化1] 「加節數至 4 或 5 節」

[變化2] 「不可相同」

   可訂規則為順序排時數字不能相同, 即不接受 2-2-7

參考網站:
How to Play Chopsticks (點筷子)
Low-Sham-Bow (包剪揼揼揼)
Math Games Number Train (數字火車)


若覺得這篇文章好，"分享" 給朋友吧！或留個 "Thank You" 呀！
想問經濟、數學？可 按此 到我的面書發問。
想第一時間收到最新文章，可訂閱博客更新&nbsp/ RSS 。

[港台節目] 親子理財基本法 (共 5 集)

理財，應該從小教起，《香港電台》係 2019 年 1 月底，有個電台節目 叫《親子理財基本法》  (已完結, 但可重聽, 連結看下方)，搵左個親子理財專家 - 李錦 (其實我唔識佢...)，講左 5 集，大致我記得幾點：

• 要比零用錢，細細個都可以比
• 延後滿足，等佢知要付出先才可得到
• 學懂儲錢，同時要有目標去洗錢
• (係記得咁上下啦~)

就係知道記性唔好，所以放番個 link 係度，方便自己，方便人：

《親子理財基本法》(Ep1): 錢從何來

教子女學習理財，零用錢原來是最好的教材。過年時，子女獲得的利是錢又應如何處理？

《親子理財基本法》(Ep2): 三代關係

為人父母應為子女做定理財安排？還是身體力行教導他們正確理財觀念？兩代之間的溝通，再加多一代祖父母，會否令「親子理財」關係變得更複雜？

《親子理財基本法》(Ep3): 幼兒學分享

幼兒發展黃金期由兩歲開始，3-5歳讀幼稚園，可以如何教他們不要浪費、應買才買及與人分享的概念？

《親子理財基本法》(Ep4): 小學生宜學延遲滿足

6-7歲入讀小學，子女除了透過零用錢學習儲蕃外，更重要是要認識延遲滿足的重要性。

《親子理財基本法》(Ep5): 高中生要應使得使

高中生的理財注意要點





若覺得這篇文章好，"分享" 給朋友吧！或留個 "Thank You" 呀！
想問經濟、數學？按此 到面書發問。對文章有問題請留言，我會盡快答覆。
想第一時間收到最新文章，可訂閱博客更新 / RSS 。

[親子活動] 公共圖書館 兒童故事時間 Bookflix(動畫書) 及其他適合小朋友活動及資訊 ─ 圖書館APP、擔保人圖書證等等 (18年1月更新)

本篇摘要:

• 兒童去公共圖書館(聽)故事 (並有小手工玩)
• 免費 Online 英文電子書 BookFlix (經公共圖書館)
• 兒童及青少年閱讀計劃 (鼓勵閱讀)
• (圖書館舉辦) 讀書會 (增長知識) [推薦👍👍👍]
• 小童群益會幼兒借書服務
• 圖書館活動搜尋器 / 預約圖書 / 擔保人專用圖書證 / 圖書館手機 app

香港既圖書館，公共圖書館(HKPL)或非政府組織(NGO)既，都有一些適合小朋友的活動。

好似我呀仔咁，佢未夠 3 歲既時候，就已經係小童群益會度，參加左小小愛書人計劃，開始借繪本睇。同時佢仲有導師講故事時間，呀仔未足 2 歲就開始去聽故事，佢由開頭不甚專心，慢慢變為會搶答導師既問題。(其實果時我都有講故事比佢聽，不過佢 2 歲左右反叛期唔多肯聽)

[關於小童群益會既圖書活動請見本文文末]

至於公共圖書館(HKPL)，資源更多，有更多活動 (按吸引程度排)：

兒童故事時間

兒童故事時間

兒童故事時間，目的是通過講故事、互動遊戲和朗誦等，培養兒童對閱讀的興趣。(跳至搜尋方法)

2018 Jan 12 update : 上周日去左深水埗元州街圖書館聽故事(朝早10點)，怕多人所以 9:30 去到，等左半小時，10點開門入去前一刻，職員先話你仔未夠 5歳唔入得(仲要態度極差)。

我梗係據理力爭啦，我話網上資料冇寫呢樣條件喎 > <... 結果問左館長最後都入左去，我一個小時之後去接番呀仔既時候，佢仲同個一齊聽故事既姐姐玩得好開心添。

• 每週一次，每次一小時，主要係星期六日。
• 以粵語講述，參加者對象為4至11歲小朋友 (注: 元州街圖書館要5歲[見上文])。
• 部分館需憑票入場 (約開始前半小時派發)。
• [細節可能每館不同]
• [有意更可以申請成為導師]

[兒童故事時間詳情]

管教細仔三大原則 - 因材施"規", 因錯施"責", 讚好容錯 - 「你的4歲孩子－狂野而美妙的年齡」

睇左都有將近五、六本湊仔教仔書，暫時呀仔都未算失控。由依家開始，我打算將一啲書中精彩部分，放上黎。一黎公諸同好，二黎當做記錄等自己要查番方便啲，三黎睇下會唔會能引起互動交流一下。

依家睇緊呢本：

「你的4歲孩子－狂野而美妙的年齡」(信誼基金出版社)。

「你的4歲孩子－狂野而美妙的年齡」封面

其中頁59、60提及管教（湊仔生涯最令人頭痛的部分）

書中講得好好，指出三大原則，我覺得為人父母必須學懂的三招（我略加補充）：

阿仔半夜久咳(2Y2M-3Y1M), 霉菌? 肺弱? 終於搵啱醫生, 經歷分享及 8個健康心得 (18年4月28日更新)

小朋友夜咳好困擾，特別係一晚咳醒幾次的話，無論大人細路都瞓得唔好

18年4月28日更新：係17年4月尾，轉入夏天後，呀仔既夜咳好番哂。原來唔關霉菌事，係天氣同體質問題。

－－－－
大多細路都易咳，特別係番左幼稚園之後，d菌傳黎傳去。我呀仔，亦咳左將近半年 (半夜咳)。終於好番，多得搵到個好醫生。之前呀仔夜咳時 真係好徬徨，所以寫本文希望可以幫到人。

• 本文會先講下經歷，再講下最後搵啱一個中醫，最後講下睇左咁多中西醫生既健康心得。
• 我覺得好既(中/西)醫生我會特別講明，或者有咩問題，你都可以留言，或者直接聯絡我。

每晚半夜咳 近半年都唔好 睇左 5, 6 次中西醫生

約 16年 10月底 (2Y2M) : 夜咳遍尋中西醫不果

阿仔感冒完左之後，每晚半夜咳，咳醒 2－3 次，每次連續咳 10－20 秒左右，冇乜痰既，亦會繼續瞓番。跑步一陣亦都會氣喘咳。但日間咳就好少，只有一聲半聲。見日間冇點咳，諗住食中藥調理下。

睇咗 3個中醫 (尖沙咀,太子, 石塘咀) 1個西醫 都冇效，中醫話佢肺弱，食咗好多中藥、猴棗散，保嬰單，都冇好轉，都係每晚咳醒幾次，好在日頭冇點咳。

約 17年 1月底 (2Y5M) : 開始聞哮喘藥但唔斷尾

見半夜咳咗成兩三個月啦，再睇 兒科西醫(美孚)，話氣管敏感，開青蛙仔 (氣管敏感藥 Singulair)，食左一星期冇效所以停葯，轉睇一 成人胸肺科醫生 (之後先知青蛙仔要食 3星期先見效)。

身教，永遠係最重要，Bill Gates 是這樣教子女的，家長們共勉之

Bill Gates 是這樣教子女的

身教重於言教，相信大家都可能聽過一個笑話：

一父親到學校見班主任，因其兒子在校犯校規，

父親：我個仔係學校犯左咩校規？

班主任：佢係學校成日講粗口...

父親：(向其兒子) X 你老母！叫 L 左你幾 L 多次，係學校咪 L 講粗口丫嘛，X 你老母！！！！

班主任：.................................

所以，你的性格如何，你兒女的性格也必如何。

－－－－

 相關文章：阿仔半夜咳咗半年，原來係霉菌(2Y2M-7M)，經歷分享及8個健康心得

－－－－

若覺得這篇文章好，"分享" 給朋友吧！或留個 "Thank You" 呀！
想問經濟、數學？可 按此 到我的面書發問。
想第一時間收到最新文章，可訂閱博客更新 / RSS 。

[趣圖分享] 爸爸跟媽媽有什麼區別？

最近當爸爸了，看到這帖，感受良多。
送這帖給天下的父母親！！！
－－－－ 
爸爸跟媽媽有什麼區別？

祝全天下的家庭  幸福快樂！

圖文來源:微信易讀

from http://ift.tt/1GEhAhE 美圖好文 filter Vimeo (已失連)