其實我就唔多好賭博的，所以複式膽拖呢d好似好爛賭既玩法，以前真係絕少絕少買，原因全可用一個字去總結－－－懶！無他，因為作為一個「懶係有受些少高等教育既人」，要知道每用5蚊（依家10蚊）去買一注六合彩，無論用咩形式去買，其中頭機會都始終係一樣，1千3百幾萬分之一（1/13,983,816）〔你睇哂成篇你就自己都識計架啦！〕。所以何必去攪咁多野呢？又？咁梗係－－－ ”唔該比張電腦飛丫” 去用廿蚊買個開心同希望！
以前買 ”複式” 同 ”膽拖”「唔抵」
等我《經數學人》用經濟角度同大家講下啦，原本未加價，買六合彩仲係$5果時，買 ”複式” 同 ”膽拖”的 ”邊際得益－比買單式所額外所帶來的開心同希望” 不足以蓋過其 ”邊際成本－比買單式所額外需要花的時間去填飛及諗買咩冧把”，所以唔抵買！
之但係，當六合彩加價加到10蚊之後，情況就又唔同啦，因為買單式變得好「唔抵」。比廿蚊只係可以買到兩注，啲開心同希望即刻少左一半！！！！但買 ”複式” 同 ”膽拖” 就唔同啦，你會覺得抵啲，因為兩個原因：
