廿八蚊後遺症（最低工資的負面影響開始逐漸浮現） 來源：爽報

有線電視報道，深水埗的舊樓，最近治安變差，多了爆竊案，究其原因，係因為最低工資實行之後，保安員薪水大大提升，每月過萬蚊，舊樓業主難以負擔，唯有兩更變一更，夜晚不設防，賊人如入無人之境，好容易做世界。


食肆請人質素下降

我有個朋友，開了間麪店，生意本來做得不錯，點知廿八蚊（RC：最低工資）出現之後，班夥計走了一大半，個個走咗去做看更，我朋友呻到樹葉落，跟住請嚟嘅人，唔係捧住 碗麪儍笑，就係用粗口鬧客，有個仲話佢：「點解唔畀我飲水吧啲嘢呀？」

（RC：因為同樣收＄28，樓面同看更一比之下，做看更可謂是皇帝式的工作啦）

一言蔽之，新嚟嘅人本來係水準之下嘅，廿八蚊一出現，就出嚟博博。我朋友間麪店o依 家已經執咗嘞，佢話咁激氣不如不做。我話佢連累其他夥計失業噃，佢話叫佢哋去問李卓人啦！
（RC：最低工資下之必然結果！由此推論，咁不同工種工資必會程滾雪球式上升）



咁我就唔知李卓人當日大力促成最低工資時，有冇諗到會發生以上嘅情況。

（我有開荼餐廳的朋友跟我說，請樓面未算最難，請洗碗最難！佢就因為請唔到人結果自己走左去洗！大家諗下點解洗碗難請人過樓面？一，二，三，開估，你有冇見看更係後生多，定上年紀多丫？之唔係洗開碗嘅見辛苦，就走去試做看更啦。）


團購效應延緩失業浮現

最近仲話要加到三十三蚊㖭！話香港實施咗最低工資都成年咯，冇乜事發生呀！但據做飲食業嘅朋友講，其實暗湧係有嘅，舊年三一一日本海嘯後，日本食肆間間喊 救命，食客去晒其他食肆，酒樓快餐店西餐廳大旺，做成個假象啫。一句講晒，經濟好時可以消化，經濟差時廿八蚊都啃唔落，何況三十三蚊？
尊貴嘅議員們，唔該諗清楚呀！

RC: 其實，係咁意學過下經濟嘅人，只要佢識供求決定均衡價格果一課，都會知最低工資嘅影響啦。工資上升，就會多啲人想走出黎做嘢丫（大學生，年紀大大地嘅主婦果啲啦）！但工資成本高左，顧主點呀？咩用機器替代人手攞，見「自動洗頭機」的反思，結果？梗係多左人失業啦！）

就算真係唔知，都知外國嘅案例啦！李卓人會唔知就唔可能做到今日，而係一早被「人o桌你」啦！

我覺得近期嘅團購熱潮，對餐飲業會有短期刺激作用。起碼你依家會做旺左個市先丫。

 

最新一期食肆收益及購貨額臨時統計數字發表，顯示食肆生意額微升：

http://www.censtatd.gov.hk/press_release/press_releases_on_statistics/index_tc.jsp?sID=2940&sSUBID=20651&displayMode=D