2014 經濟 MC Q1 曼聯發現球場水浸，繼續踢機會成本會唔會變？

呢條問題引來好多迴響，等我係度探討一下。

首先要睇清係做乜既機會成本。問題講明係「繼續踢」的機會成本，咁最基本的成本構成，便是貨幣+非貨幣成本啦。依家非貨幣機會成本(受傷帶來的損失)大左喎。

再用以前會考題(1999LQ-Q1)做比對，當年問題係問你「買」三文治後，食時發覺有蟑螂，咁你買三文治的機會成本有冇變？咁你買時都唔知有蟑螂！咁梗係冇變啦。但如果佢問你發覺有蟑螂後，你食三文治的機會成本有冇變？梗有啦，你仲食得落？

好多人唔知，機會成本係會影響你的決定的，我們決定做邊件事，就是由其得益成本所決定，機會成本轉左，你的決定便可能會唔同左(如前述三文治例子)。反之，你的決定改左，則你的機會成本應該已經改變左。所以曼聯發現球場水浸，繼續踢的機會成本會上升。