趁風打刧 之 經濟社會

今日睇報紙，見到段新聞講的士在十號風之下，開天殺價。機場出市區一千，中環去南區，３００元。Ｄ要係風球下做野既人，真係只有等比人劏。

係經濟學，呢招叫做差別定價(Price discrimination)。呢Ｄ司機嘅招每位按其承受能力定價更稱為完全差 別定價(Price discrimination)。

原因，都係揾食啫。 同李嘉誠賣樓叫盡價冇分別架。

原文： 爽報

蠱惑嘅韋森特加上戇居嘅天文台，玩謝打工仔！YY打親風都被的士司機打劫，前晚打風YY就被劫200大元！話說YY搭同事順風車出到中環機鐵站，打算再轉 的士返家（港島嘅南面），預咗講價，點知架架都飛禽大咬話要三舊水（平時80蚊咋），其中最「賊」嘅話：「頭先個鬼佬去淺水灣六舊半，西環都五舊啦！三 舊？唔好玩啦！」真係火都嚟，但竟畀佢扑中兩件疑似遊客嘅物體，吹脹！好彩等多陣就遇到較老實嘅司機，仲畀YY開價，睇嚟，趁風打劫嘅起標指數已大幅跑贏 通脹，老闆應該加我哋啲打風返工津貼囉！