如何制訂考試溫書時間表及一些讀書心得(下)

終於有時間打埋下集。。。
(這篇文章會頗長,但寫得頗詳細,只要你耐心跟住做,你都一樣會可以有好成績!) 


上次(時間表上集)已跟大家說過讀書要好,就要先制定一個時間表,除此以外,本人還有些好有效既讀書心得和大家分享,就由宏觀的計劃講起,跟著再講講如何溫習。如你跟足去做,想唔攞* 都難!

如何訂定用幾多時間完成一課書

在制定好時間表後,就要定下目標(Target),就是說: 你要定好在一定期限前,要讀完幾多幾多課,並要定時看看是否已達標(讀完多少了)。目標要訂得合理,要可以做得到的。方法是試坐定定一個小時,最集中咁去睇書,計算能讀多少頁數,再以此作標準。我記得我升中五暑假時計過,約一小時可讀8頁書(當時的書每頁字數較多)。

計好能讀頁數後,便按書本各課頁數,訂好目標要用多久讀好。舉例,你每小時可讀8頁,要讀的一課書有15頁(或17/18頁),則訂目標 2 小時要讀完。這樣,你一邊讀,一邊看時鐘,若落後進度則迫自己讀快點。這樣讀書效率最高。考 DSE (或任何公開試) 其實就是要和時間競賽,看你能否善用時間,讀懂最多的知識。

而很多人將目標放錯位置,目標放在這科要取什麼成績,那科要取什麼成績,這其實很不設實際(幻想永遠是美麗的)。

究竟有什麼好的讀書方法呢?我本人讀書的方法就有「三讀」,這裡提供讓大家參考之用 (我就是憑著這三讀,會考取得2A3B3C的成績,失禮哂。

書要『三讀』即書要睇三次。

第一讀:
間線,最主要篩選所讀的內容刪除無謂的枝節,我以前讀書的時候,就常被人說是毁書(Thomas, 講緊你呀!),我幾乎會將整本書的七、八成內容都間低 。但是間完之後,我下一次再看的時候,就不需要浪費時間再由頭看過,第一讀就是要在正常溫書時間(見時間表上篇)表去要完成。第一讀我通常用鉛筆間,間「句子(Sentence)」

第二讀:
衝刺期開始(可見下方的圖,黃色的日子),即臨考試前的一個月,只需看自己間低左的內容,同時又再間其中的重點(用第二隻色,建議用營光筆)。但今次所間的不用多,只需間下重點便可(可能是第一間其中的1/3至1/4間下「片語(Phase)」),同時再略略在腦中記一下內容,不用真正背誦

第三讀:
終極衝刺期,即臨考試前的四、五日(可見下方的圖,紅色的日子),這次只是看重點(第二間的片語部分)。如一看便已記得大概的,便不要再翻看第一間的部分(時間是很寶貴的資源)。但如看重點後卻不能記得是甚麼的,就要決定該部分課文內容是否重要,如不重要就放棄那部份算了,若用左啲時間都唔明亦應放棄,切忌浪費時間。你的一分一秒都要好好利用!

一路看,同時作終極第三間!第三間只間「字詞 (Word)」,只間最重要的詞語,我會用稍粗的紅筆間。這次你會間下的部分最多只會佔整本書本的0.1%左右,你要間一些字詞,使你一看到便會記起該段重點的內容。

這時亦要背誦了,但只背第三間的重點字詞,逐點背。背完,繼續睇落去,再背下一段,再睇;當背完一課所有紅筆字,要返轉頭全部再背一次出來,只背意思,不需字詞完全對。再每隔三五課的時候又背返哂早前的每一課,如此反覆背誦,便不易忘記。若你只逐課背,而沒有每三五課去覆背,溫完整本書後 (因隔了一段頗長的時間),可能便已忘記了一大部分,就又要由頭來了。請記住,背書的方法就是 逐點背、小組背、全體背


如何做練習,做咩練習,past paper 幾時做

先做MC (Multiple Choice Question, 多項選擇題) –
在每一讀後都要做練習,我本人最喜歡做MC,做MC就可以好快知道自己的能力,亦都可測試自己有什麼懂,有什麼不懂。在第一讀時,可每讀完一課便做,或兩課做都可以,最緊要唔好打亂溫書節奏。
有些同學習慣先看答案,才看題目,但是這樣你就不會知道自己錯在那裏,亦不會知道問題會怎樣去陰你,所以最好不要先看答案,但亦不要用太長時間做。

後做SQ (Short Question, 文字題) –
文字題放在「第二讀」時才做,先看問題,想一想,寫重點 (唔寫都可以),之後便看答案,不要嘥時間真的逐筆逐字寫出來
只找有答案的練習才去做,不要浪費時間做一些沒答案的題目

注意不要在一讀及二讀時便做past paper
因為,除非你已充分掌握課文,否則,當你做past paper的時候若發現很多都不懂,其一可能會令自己很氣餒,其二可能你會只死記左個答案,當問題轉左少少你就會唔識答嘞。所以應該安排在二讀及三讀時才做past paper。



如何制定衝刺期時間表

上次已講過如何編定考試溫書時間表,現在說說最後衝刺期階段的時間表安排。最後一個月為衝刺期,首先你要知道每科考試的日子,先選出最早考及最遲考的日期,根據我上一遍時間表文章,假設你是讀中、英、數、通識、經濟、生物及電腦,最早考的一科是中文即8/4考,最後考的一科為生物科即24/4,取個中間數即 16/4,計算出你的衝刺期應由16/3開始。
(2013年各科DSE考試時間表見此)

簡單來說,將這最後一個月的時間分兩部份,16/3隨後的日子為普通衝刺期,去到臨考那一科前幾天為終極衝刺期


普通衝刺期

之前說過書有三讀,衝刺期一到就要開始二讀,要編排16/3起就每科所讀的時間,每科應該平均分配時間(大約每科4日),大致上就係跟番考試既順序去排次序。若可以的話這段時間能完成埋三讀就最好,若唔得,就留係終極衝刺期先做第三讀。(見附圖,黃色部分為普通衝刺期,藍色的為考試日,紅色的為終極衝刺期

1/4至5/4這五日溫中文及英文,二日溫中文已可以,其餘三日就溫英文,不要以為中英文沒什麼好溫,不用溫,始終中英文是大科,做什麼好呢?這衝刺期當然是做一下 past paper。





終極衝刺期

該如何分配幾時讀邊科呢?

可先由尾開始睇生物科對上的一科為ICT電腦科,由電腦科至生物科有6日,足夠做生物科最後衝刺期,跟著看看其他六科的時間分配。

其實,中文英文科都沒什麼需要作最後衝刺的。只要在13號考英文聽力試前,聽一些輕鬆及簡單的聆聽練習便可以了,但不要找難的來打擊自己信心喔!

剔除左中英文之後,考ICT電腦前只有半日,唔夠作最後衝刺,所以順延向前。在10/4及11/4先溫它。

數學經濟都係用同樣的邏輯去訂出它們的溫習日子,分別為 12-14/4 及 15-16/4 。

通識比較多野讀,所以訂多幾日,由6/4至9/4。

制定的準則便是讓你每科有均衡的時間作最後衝刺。


其他溫書小貼士
  1. 不要妄想以為這段衝刺期每日溫4個鐘已可,這期間每日都要溫起碼6、7個鐘,點都要溫足。
  2. 有時發現讀讀下書會唔知自己讀讀緊乜。當發現自己溫完一輪後發現依然空白一片,可以去飲杯水,但番黎就要逼自己集中啲。
  3. 每一個鐘只可休息5分鐘,要真係溫夠55分鐘先好比自己離開座位。而這5分鐘做什麼都可以,可上上FB,上上網。但最好不要打機,看漫畫,否則這5分鐘隨時變5個鐘,要緊記嚴守這紀律!

最後贈大家一首溫習詩,希望大家可考好這個DSE!

讀書要明不死記,
唔識要問咪吾理,
明白道理記憶深,
多做 MC 易攞 *!


同學如有任何set時間表的問題或意見,可在下方留言給我喔!

若果覺得我寫的文章可以幫到你,可以在下方按 "讚" ,或按 "分享" 讓它幫到更多人!
  • 若想表示支持,可在下方留個 "Thank You" 呀!
  • 我會不定期 Po 些讀書心得,及考試技巧,想收到的話可在下方訂閱我的博客喔,或者讚好我的 fb 經數學人 喔。
相關資料:
2013年HKDSE考試時間表
2012 Econ DSE Paper 1 (MC Answer) (附解釋) 
2012 DSE Math Paper 2 Compulsory Part (Core) Answer 附詳細答案
心得分享:好好應用你手上的武器-計數機,考好 DSE 數學科

文書協力:bk

34 則留言:

  1. 非常感謝!終於搵到唔係講廢話且有條理又有point既讀書方法!希望我來年可以升讀大學!:D

    回覆刪除
  2. THANK YOU 其實唔只DSE
    係成個大學 OR 出黎做野 都有用

    回覆刪除
  3. thx!! it really helps me alot!!

    回覆刪除
  4. Thanks! You make me have some basic skills to manage my time;)

    回覆刪除
  5. thanks very much:)
    your article is very useful for my revision^^

    回覆刪除
  6. thank you very much:-)

    回覆刪除
  7. thank you
    我想問我今年f4,依家想好好禁温書,應該要點?洗吾洗開始做past paper?

    回覆刪除
    回覆
    1. 太早做唔好,因為有啲問題你會唔覺咁記左入腦,但又未完全知點解。
      不過若有分topic的,唔識的又可以問到人,咁就ok

      刪除
  8. 3讀有d似我嘅習慣,但我唔係3讀,係2讀
    因為教我chem果老師上堂就係一路教你highlight書入面重點,一路教
    之後就有highlight notes嘅重點習慣(課本太多廢話)

    回覆刪除
    回覆
    1. 書本癈話與否視乎你本身程度。
      好似我,我中四暑假先開始溫書(中五會考唔夠一年),
      平時上堂只一般專心,所以好多基本都未完全掌握,第一讀就會「間」多啲。

      刪除
  9. 我今年中4,每次測考全級頭3,band1尾英中,讀7科.我平時唔肯溫書,應該話係唔知點溫,不知從何入手,拖拖下就已經到夜晚,所以我想set個溫書時間表,您可唔可以教下我,thx.(我平時放學會訓教)

    回覆刪除
  10. 我今年f4,每次測考頭3,讀7科,成績唔算超勁,band1尾英中.我平時放學都會訓教,好少去溫書,搞到d electives積埋曬好多唔明既地方,所以好想set番個timetable,您可唔可以幫下我?

    回覆刪除
    回覆
    1. 中四就明白要努力,好好喎!
      中四讀書,定時間表,就最緊要迫自己定時坐定溫書,
      同要明白,你淨係同校內人比,係唔夠架,出面大把人叻過你,同你爭入U。
      所以要不斷提升自己。

      比少少意見你啦,

      1。訓晏覺好架
      訓晏覺唔緊要,义义電先有精神架嘛,但唔好超過1小時,好多研究話訓多過1小時會愈訓愈攰。

      2。定時間表,主力差既科
      定時間表,同我文章內容一樣,先計下每週可分配幾多小時。
      再睇你讀幾多科,唔係平均分配,但所有科都要有。
      中英通識可以溫好少(視乎你成績),可以一日攪掂。
      差既科應排定連續溫1-2日,由第一課開始打番好基礎。
      唔好諗住淨係睇唔識個幾課,因為你讀得差必然係因為你基本功唔太好。

      3。定目標
      記住set一個目標比自己,唔係成績要幾多,而係要係大考前溫幾多課書!
      用番我文章教既方法計每日溫書溫幾多課。

      刪除
  11. Thank you very much. It helps me a lot. I am a f.5 student going to f.6, this give me a clear picture of how to set up a study plan. Thank you!

    回覆刪除
  12. 我概elective 係Bio同中史,但係中史每六個上學天就要大測一次,每次都好多野要温,加上我宜家中五有好多SBA,仲要成日温學校d test,都唔知應唔應該另外抽出時間温DSE,同埋我一直都有每朝跑步半小時概習慣,一唔跑就周身唔舒服,但係升上中五後,時間開始唔夠用,成日都唔夠訓,點算?

    回覆刪除
  13. 我宜家中5,elective係Bio同中史,但係每六個上學天中史就會有一次大測,仲有其他科目概SBA,加上我有每朝跑步半小時概習,一唔跑就會周身唔舒服,但係我宜覺得時間唔夠用,我想早d開始温SBA但係又驚會温唔切學校d test,點算?

    回覆刪除
    回覆
    1. 其實,如你功課咁忙,可留係中五升中六既暑假先開始溫DSE。
      雖然SBA 同DSE 考法不盡相同,但都可加深課題認識,對解答啲深既問題應有幫助。

      依家個個學生都唔夠瞓。。。唉
      美國興一個瞓晏覺方法,叫 power nap,就係小睡15-20分鐘。因為瞓得太長會進入深層睡眠,醒後可能仍會迷迷糊糊。
      你可以放學番屋企,先短睡一會,才開始溫書。

      至於跑步,可考慮改在早上跑,亦可能要跑短啲(譬如只跑20分鐘)。跑完回家沖過涼才番學。外國人一般都係朝早跑,因夜晚身體機能減弱,跟本唔啱做運動!

      刪除
  14. 你好。我還有一些不明白的地方。假設一,二,三,是否應溫同一科連三日,接着四,五,六,再溫另一科

    回覆刪除
    回覆
    1. 其實都視乎你對該科的接受程度, 自己鍾意讀既科, 可以讀長啲, 咁連貫性好啲, 吸收係會好啲。但若果係唔鐘意既科, 你若「夾硬」迫自己連續讀太耐, 咁會事倍工半囉。

      所以連續幾多日因應你個人調整。

      刪除
  15. 我很怕自己2年後在F5會溫習到12:00 am,F6更會溫習至1 am 甚至 2am (如果溫到不停手就有機會3 am 才可以睡覺),請問我應該如何改善?(本身F3已經有時溫到11 pm)

    回覆刪除
    回覆
    1. 我諗你意思應該係: 年級愈高, 愈來愈多的課程內容, 如何可以溫得哂?

      我可以答你一個基本原則先, 唔夠休息只會令效率下降, 例如上堂一舊雲, 結果明既野少左, 番屋企要溫習既時間反而又耐左添。

      所以, 一定要有取捨:
      1. 可能要放棄多少少娛樂 (但一定要有啲)
      2. 可能要練睇書快些少 (其實高班啲一定會快啲)
      3. 可能要篩選一啲課題冇咁重要既支節唔去讀 (或者只係好簡咁讀) (有冇聽過 80/20 定律? 當然讀書黎講重點唔只兩成, 但亦肯定唔洗每課都十成功力咁去讀既)
      4. 可能要善用長假期去預習 (我有個學生, 數學雖好但未算最好既, 係佢偏弱既一科, 升中二既暑假, 佢搵左我, 用左兩日時間, 幫佢預習定中二成年既課程, 跟住每年都如是, 依家中四, 數學成績已升至全級頭五左右)

      刪除

若想 *收到回覆* 通知,請以 Google 帳號登入,並勾選「通知我」(你依然可選擇 *匿名(唔開名)*) 。

另,Google 偶會審核留言而不能即時顯示,請耐心等候,不用重覆發表。謝謝!

關於作者

Ronald Chik (作者詳情及聯絡, 補習查詢)
教學廿多年,曾在傳統名校伊利沙伯中學、德愛中學任教,學位、副學士、文憑、毅進、中學、日校夜校皆曾任教。現主力湊仔,閒時替人補習,寫網誌,打羽毛球,生活悠遊。

標籤

/生活經濟 (73) '生活智慧 (48) /數學概念 (42) #DSE每年MC詳解 (37) '數碼智慧 (33) '趣味文章 (23) #讀書溫習相關 (20) /數學應用 (19) #S5 (16) //奧數.數學遊戲. (15) '親子 (13) //圖表說故事 (9) #S4 (8) #高小 (8) //老師不教的數學 (8) ''Youtube (7) ''男女關係 (7) #S6 (6) 'Guest Post (6) //MC技巧 (6) #練習 (5) '精選文章 (5) //日曆數學 (5) $\Money and Banking(貨幣與銀行) (4) '經數學堂 (4) //答客問 (4) #S1 (3) #大專 (3) $\Opportunity Cost(機會成本) (3) //計數機 (3) /經濟學習 (3) #P1-3 (2) #S2 (2) $\(Elective) Monopoly Pricing (壟斷定價) (2) $\GDP (2) $\Market Structure (市場結構) (2) ''GIF (2) #2 (1) #3 (1) #K1-3 (1) $.Algebraic Equation in One Unknown(一元一次方程) (1) $.Co-ordinate Geometry(直角座標) (1) $.Measures of Dispersion(離差的量度) (1) $.More About Graphs of Functions(函數圖像的進一步認識) (1) $.Percentage(百分比) (1) $.Permutation and Combination(排列與組合) (1) $.Pi(π)(圓周率) (1) $.Plane Geometry(平面幾何) (1) $.Probability(概率) (1) $.Pythagoras Theorem(畢氏定理) (1) $.Quadratic Equations(二次方程) (1) $.Statistics(統計學) (1) $.Trigonometry (三角學) (1) $\Consumer & Producer Surplus (消費者與生產者剩餘) (1) $\Demand & Supply(供求理論) (1) $\Economic Growth and Development(經濟增長與發展)[選修] (1) $\Externality(界外效應) (1) $\Factors of Production(生產要素) (1) $\Fiscal policy(財政政策) (1) $\International Trade(國際貿易) (1) $\Market Structure(市場結構) (1) '待發佈 (1)

Youtube 頻道