精選文章

[生活中的經濟學] 難度 5**,機會成本(Opportunity Cost) 一問,90% 美國大學生都做錯的一條問題

好耐之前睇過一本英文書 (忘記了書名,如有好心人提供請告之),係講日常生活現象的經濟解釋,例如雪柜點解冰隔(freezer)冇燈?(因為買既人唔肯為唔常要開既燈比額外錢) 點解女士既衫鈕門開右邊?(因為方便以前15-16世紀時傭人幫穿) 咁點解依家唔轉番?(因為若轉的話有可能被人誤以為是男裝) 仲有好多有趣的問題。

該書開首有一條關於機會成本的問題,據作者講不少美國大學選修基礎經濟的Year1學生,抽樣答有9成左右做錯 (書中話比冇讀經濟同學答,啱的比率反而高一點)。給講師答亦有一半錯。(這些比例是我記憶中的,但應該相差不遠)

在此把問題分享給大家挑戰一下 (適合 DSE 學生測試一下):

經濟用語新解:如果世界沒有了 “邊際效用遞減定律"


當你在學生年代時,有冇試過上「某科目的課堂*」上得津津有味?(*若你完全不能體會到,請嘗試把「課堂」自行換上「心儀女士/男士」)
很想快啲去到上堂既日子,甚或會自己係屋企備課,覺得阿Miss/阿Sir 勁 Chok,暗地裡非常傾慕她/他。我想信很少,就算有,亦都必定會隨著時間過去而慢慢變得沈悶乏味。這種隨著擁有數量漸多而額外價值減少的現象,經濟學稱之為 “邊際效用遞減定律 (Diminishing Marginal Utility)”。 (效用=價值)

有冇諗過,如果沒有了 “邊際效用遞減定律 (Diminishing Marginal Utility)”,世界會變成如何?

1)    已結婚的夫婦就都不會離婚


當邊際效用不會遞減,因為對著你的老公、老婆,日日都互相相愛,不會慢慢變淡,那會離婚!那些離婚律師如謝偉俊可就慘了,沒有了25%的離婚率(見博文-離婚率怎計算),生意額會是大減。



 

2)    買衫的店鋪,生意額亦會大大降低

當邊際效用不會遞減,個個日日都只著同一件衫,還那有人(特別女士)會買衫,個個著到好似老夫子一樣,日日都同一件衫。

 

3)    很多人去旅行都只會不斷選擇同一個地方



如喜歡台灣遊行,就永遠只有台灣、台灣、台灣…..,喜歡日本的,就永遠只有日本、日本、日本…..,不過經過福島核事故後,或者會改去韓國,不過最終都只有韓國、韓國、韓國…..

 

4)    同一套戲你會不斷重複番睇

那些年,睇第327次」,但仍不會停,一直睇下去….. 

5)    語言乏味

你將來在youtube睇到其他人在巴士、地鐵鬧交,你只聽到那些人永遠都只是重覆講同一款粗口..... (好似依家好多人講嘢都已經係咁啦)



 
6)    做醫院會好好生意(1)

會多了很多人食自助餐食到入醫院,因為不會停地食呀食.....
...護士:啱啱又有一個食荷蘭豆飽死嘅人.....


7)    做醫院會好好生意(2)
 
有睇過 “那些年” 的都知什麼是打手槍,當沒有邊際效用遞減定律時,相信你將來在報紙上看到,特別多男士 (應只有男士,包括我),因不斷重覆進行上述活動而入醫院。

鳴謝:文書協力 BK

 相關資源:


留言

Youtube 頻道